• Latest

Заев: Вртиме грб на лошото време за Скопје!

October 9, 2017
Фото: Скриншот од видео на British Embassy Kyiv/ X

Велика Британија ѝ порача на Русија да престане со „бесмисленото убивање“ откако беше погодена зградата на Британскиот совет во нападите врз Киjив, кои однесоа најмалку 21 жртва

August 28, 2025

Утрото на 28 август

August 28, 2025
Фото: АСтра/Х

Украинските дронови погодија две рафинерии за нафта и други цели низ Русија во текот на ноќта, соопшти Генералштабот на вооружените сили

August 28, 2025

Фон дер Лајен го најави 19-от пакет санкции против Русија по синоќешниот ракетен напад врз Кијив

August 28, 2025
Фото: Скриншот од видео на АВС7

Егзодус на неподобните здравствените експерти за Трамп: Отпуштена директорката на ЦДЦ, додека други функционери поднесоа оставки од здравствената агенција

August 28, 2025
Фото: Скриншот од видео на ВВС

Ким Џонг Ун и Путин на врвот на листата на Си за воената парада во Кина, меѓу гостите се и Вучиќ и Фицо

August 28, 2025
Вештачка интелигенција (фото извор: Wikimedia Commons)

МОН објави обука за наставници за примена на вештачката интелигенција во наставата

August 28, 2025
Фото: Архива

Унгарија ја тужи ЕУ за замрзнатите руски средства што ги користи за помош на Украина

August 28, 2025
Фото: Украинската амбасадорка Лариса Дир/Х

Амбасадорката Дир: Цела ноќ масовен напад на рф врз станбени згради во Кијив, меѓу загинатите има деца

August 28, 2025
Трактор пред Филозофскиот гакултет во Нови Сад. Фото: Скриншот од видео на 021.rs/Х

(ВИДЕО) Утрово мирно пред Филозофскиот факултет во Нови Сад – полицијата сè уште го чува влезот, видливи знаци од вчерашните судири

August 28, 2025
CivilMedia
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
CivilMedia
No Result
View All Result
Home ПОЛИТИКА

Заев: Вртиме грб на лошото време за Скопје!

October 9, 2017 10:31
in ПОЛИТИКА
Share on FacebookShare on Twitter

„Расипничкото самоволие, кое го испраќаме во минатото, остави лузни и на градот и на граѓаните. Се сеќавате на она ‘вистината е како шило’. Е, излезе на површина. А, на овие избори имаме уште едно шило. Тоа е вистината за Скопје, тоа е вистината за Никола Груевски, тоа е вистината за Коце Трајановски… Тоа е нашето шило – Шилегов! Новиот градоначалник на Град Скопје. На нашиот главен град“, порача Зоран Заев, лидерот на СДСМ, синоќа на централниот митинг што се одржа на „Илинденска“, пред Владината куќа во Скопје.

„На овие избори одлучуваме за иднината на Македонија“, рече Заев, потенцирајќи го значењето на овој изборен циклус во борбата против „груевизмот“, диктатурата, режимот, корупцијата и криминалот, кои што беа синоними за Владата на ВМРО-ДПМНЕ и на Никола Груевски, до крајот на мај годинава, кога беше формирана и новата Влада од СДСМ и коалицијата.

Според Заев, битката со криминалниот режим сè уште не е завршена. Остатокот на тој режим, „од петни жили се бори и се надева дека, преку градоначалниците што еден човек сака да ги контролира, ќе се одржи во живот“.

„Виде Груевски дека народот не му ја есапи новата ера, па замислете сред кампања измисли некои 13 точки. Без анализа, без стратегија, без размислување. Ни повеќе, ни помалку, 13 точки. Ај, мајката. За да се совпаднат единствено со редниот број на изборите. Господ да чува и да брани. А, од друга страна, тие што се уште го поддржуваат Груевски се плашат бројот 13 да не им бил баксуз. А, бре луѓе, не ви е баксуз бројот! Груевски ви е баксуз! Затоа, ајде да излеземе масовно следната недела, на 15-ти октомври, и да им покажеме дека Македонија ги надмина. Ги надмина и Груевски и неговите кандидати за градоначалници“, повика Заев.

Кандидатот за градоначалник на Скопје, Петре Шилегов, вети дека од престолнината, со својот тим ќе направи европска метропола.

 

„Наместо барокни згради, ќе правиме паркови. Нема да садиме палми, туку изгубеното зеленило ќе го надоместиме со дрвја што одговараат на ова наше скопско, македонско поднебје. Скопје за четири години, ветувам, ќе стане зелен град, а не како досега, град на стиропор и на необарок. Огревот за домаќинствата е еден од најголемите фактори во загадувањето. Затоа, како градоначалник на Скопје, во 2018 година ќе ја започнам гасификацијата на градот Скопје, токму од населбите коишто не се приклучени на топлификациската мрежа. Водно веќе нема да го соголуваме, туку повторно ќе стане рекреативен центар на граѓаните, а ќе обезбедиме и посебен сообраќаен режим за Водно. Соголените делови ќе ги пошумиме, планината на Скопје ќе стане повторно неговата вистинска зелена оаза, нашите вистински бели дробови“, вети Шилегов.

На овој митинг своите барања ги упати и жителка на Општина Чаир. Таа побара субвенции за сиромашните граѓани, побара да се постават подземни контејнери.

„Барам да се реши загадувањето на воздухот во Чаир. Да се воведе трамвајски сообраќај. Да се исклучат од сообраќај сите застарени градски автобуси“, рече оваа граѓанка.

Граѓанскиот активист Никола Писарев, пак побара подобри еколошки услови за граѓаните од цела Македонија.

„Охрид мора да се спаси од експресни патишта. Гевгелија да добие здрава вода за пиење без арсен. Валандово, Богданци и Дојран не треба да стравуваат дали низ чешмите ке им протече цијанид или вода. Да не ги заборавиме селата, срамота е во 21 век да зборуваме дали некое село има асфалтен пат, улично осветлување, амбуланта… Развојот на селата мора да се базира на потребите на граѓаните и на нивните приоритети, а власта мора да постапува согласно со потребите на граѓаните…“, порача Писарев.

Десетици илјади граѓани од сите страни на Македонија, синоќа допатуваа за митингот во Скопје. Набљудувачи на ЦИВИЛ од Прилеп, Битола, Ресен и Демир Хисар информираа дека само од овие општини за Скопје, вчера попладне тргнале околу 90 автобуси и комбиња.

Блокадите на улиците во центарот на градот, кои што поради митингот траеја неколку часа, предизвикаа бурни реакции кај возачите, затоа што беше обременет со сообраќај другиот дел од градот.

Досега до ЦИВИЛ нема пријави за евентуални притисоци, за задолжително присуство на граѓаните на синоќешниот митинг. Но, според професорката д-р Мирјана Најчевска, треба да се напушти организирањето на митинзи, како дел од изборната кампања.

„Не го разбирам одржувањето на митинзи. Се собираат луѓе кои мислат исто, да слушнат некој кој им го зборува тоа што веќе го мислат. Средби со групи граѓани – да. Поединечни средби – да. Тркалезни маси – да.  Ама митинзи? Да си аплаудираме? Да си се храбриме? Да се пребројуваме?“, порача на својот Фејсбук профил професорката д-р Најчевска.

Моника Талеска

 

 

Print Friendly, PDF & Email
Tags: граѓаниЗоран ЗаевмитингнабљудувачиНајчевскаПетре ШилеговСДСМЦивил
Share33Tweet21Send

НАЈЧИТАНИ 5

  • СРПСКИ (БУРАЗЕРСКИ) СВЕТ: Ќе добие ли ВМРО-ДПМНЕ своја банка?

    121 shares
    Share 48 Tweet 30
  • Разрешени и избрани нови членови на општински изборни комисии за Локалните избори 2025

    97 shares
    Share 39 Tweet 24
  • МВР го уапси родителот кој го предизвика инцидентот во Штип, ФФМ, Шкупи и Брегалница го осудија – спортот не треба да биде арена за физички конфронтации

    92 shares
    Share 37 Tweet 23
  • Јагода и вестите

    90 shares
    Share 36 Tweet 23
  • „Сé се тоа глупости“ – Трамп одговори на нападите на Русија врз легитимитетот на Зеленски, се закани со „економска војна“ со Москва

    89 shares
    Share 36 Tweet 22
CivilMedia

СЛОБОДНО.НЕЗАВИСНО.ОТВОРЕНО

  • ЗА НАС
  • ИМПРЕСУМ
  • КОНТАКТ
  • АВТОРСКИ ПРАВА
  • Политика на приватност
  • МАРКЕТИНГ

Следете нè

No Result
View All Result
  • ДОМА
  • ВЕСТИ
  • ПОЛИТИКА
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
  • ДЕЗИНФО
  • ФОРУМ
  • ГРАЃАНСКА АКЦИЈА
  • МАРКЕТИНГ
  • ИМПРЕСУМ