„Благодарен сум на Емануел Макрон за неговата јасна визија и нашите заеднички напори за постигнување мир. Мирот мора да биде реален, а не само збор – тоа не може да значи капитулација или колапс на Украина“, објави претседателот на Украина, Володимир Зеленски на Х.
Украискиот претседател дополни дека мирот мора да биде праведен, сигурен и траен, а тоа може да се постигне само преку силни и долгорочни безбедносни гаранции за Украина, Европа и целиот свет.
„Ние длабоко го цениме лидерството и напорите на сите оние кои ја поддржуваат Украина и ги зајакнуваат одбранбените капацитети на Европа. Очекуваме заеднички да работиме на чекорите кон мир во наредните денови“, истакна Зеленски.
I am grateful to @EmmanuelMacron for his clear vision and our joint efforts to achieve peace. Peace must be real, not just a word—it cannot mean Ukraine’s capitulation or collapse. It must be just, reliable, and lasting, and this can only be achieved through strong and long-term…
— Volodymyr Zelenskyy / Володимир Зеленський (@ZelenskyyUa) March 5, 2025
Лидерите на ЕУ се собраа денес во Брисел на специјален совет за одбрана, каде се очекува да разговараат за тоа како ова тело може дополнително да го поддржи Кијив наспроти најавата на американскиот претседател Доналд Трамп во понеделникот дека ќе ја прекине помошта за Украина.
На самитот присуствува и украинскиот претседател Володими Зеленски.
За следната недела Макрон најави средба во Париз на началниците на Генералштабот на нациите кои се подготвени да ја преземат одговорноста за спроведување на планот за силен и траен мир подготвен заедно со Украинците.
Драган Мишев
