Одлуката за ослободување од санкции во Русија ќе биде сфатена исклучиво како манифестација на слабост, изјави претседателот на Украина, Володимир Зеленски во своето синоќешно видео обраќање.
Украинци! Украинки! Сите наши бранители! Денес беше тежок ден, го запошна Зеленски своето обраќање.
Прво, Министерството за надворешни работи мораше да го повика канадскиот претставник во нашата земја поради апсолутно неприфатлив исклучок од режимот на санкции против Русија. Не се работи само за некоја турбина за „Северен тек“ која Канада не би требало да ја има, но сепак одлучила да ја предаде. Всушност, ја предадете на Русија. Станува збор за заеднички правила, истакна Зеленски.
Тој посочи дека ако една терористичка држава може да истисне таков исклучок од санкциите, какви исклучоци ќе сака утре или задутре? Ова прашање е многу опасно. Згора на тоа, тоа е опасно не само за Украина, туку и за сите земји од демократскиот свет.
Според Зеленски, одлуката за исклучок од санкциите во Москва ќе биде сфатена исклучиво како манифестација на слабост. Ова е нивната логика. И сега, не може да има сомнеж дека Русија ќе се обиде не само да го ограничи колку што е можно, туку целосно да го затвори снабдувањето со гас за Европа во најакутен момент.
За ова треба да се подготвиме сега, тоа е она што сега се провоцира, вели Зеленски. Затоа што секоја отстапка во такви услови руското раководство ја доживува како поттик за понатамошен, посилен притисок.
За Зеленски, оваа одлука за една турбина, која доведува до многу други проблеми, сè уште може да се ревидира. Русија никогаш не играла според правилата во енергетскиот сектор и нема да игра сега доколку не види сила.
Цел ден продолжува расчистувањето на урнатините во градот Часив Јар во регионот на Доњецк. Руски терористи завчера погодија две висококатници, а за сега се знае дека е убиен 31 лице. Девет беа спасени, рече Зеленски.
Зеленски информира за новите брутални напади на руската армија со кои се соочува Харкив. Уште една ракета погоди станбена зграда – еден блок е целосно уништен. Утрото окупаторите со ракетна артилерија ги гранатираа областите Салтивка и Киев – пет лица загинаа.
Тој соопшти и дека регионот на Одеса беше погоден со проектили, продолжија екстремно насилните непријателства во регионот на Доњецк и на територијата на регионот Луганск, и изрази сочувство до сите роднини и пријатели на починатите.
И на таква позадина, само е срамота да се видат луѓе кои немаат храброст искрено да се справат со една турбина, нагласи Зеленски.
Зеленски соопшти и дека до Врховната Рада на Украина доставил многу важен предлог-закон – за правни и социјални гаранции за полските граѓани кои живеат во Украина. Всушност, ова е одговор на законот што пролетта го усвои полската држава во интерес на нашите граѓани. Конкретно, тој предлага да им се даде на нашите полски браќа можност легално да престојуваат во Украина 18 месеци, право на вработување, економска активност, студирање на нашите универзитети, медицинска нега.
Тој упати молба до народните пратеници на Украина да го разгледаат овој предлог-закон што е можно посовесно.
Во односите со Полска, достигнавме највисоко ниво на доверба и соработка не само во последните децении, туку и во текот на животот на многу генерации на нашите народи. И ние мора да го зголемиме, мора дополнително да ги зајакнеме нашите врски во сите сфери и врз основа на јасно разбирање дека Украина и Полска можат да бидат слободни само заедно – во братство, истакна Зеленски.
Зеленски потпишал и декрет за доделување на почесната титула Град спасител на градот Пшемишл. За исклучително значајниот придонес на градските власти, волонтерите и жителите да му помогнат на нашиот народ и нашата одбрана. Тој потсети дека ова е втора ваква одлука – прв ја доби оваа титула полскиот град Жешов.
Одржав важни преговори со холандскиот премиер Марк Руте во Киев. Разговаравме за нашата одбранбена соработка, финансиската помош за Украина и натамошниот напредок на нашата земја на европскиот пат. Благодарен сум за силната поддршка, која во моментов е најголема во целата историја на украинско-холандските односи, изјави Зеленски.
Тој информираше и дека имал разговор со претседателот на Турција Ердоган.
Клучното прашање е обновувањето на нашите извозни рути низ Црното Море. Работиме на тоа да го овозможиме. Колку побрзо тоа се случи, толку помалку луѓе во светот ќе го почувствуваат влијанието на кризата со храна која толку внимателно ја подготви Русија, посочи Претседателот.
Зеленски вечерта потпишал уште еден указ за доделување на нашите херои, државни награди добија 287 борци.
Тој им се заблагодари на сите што ги бранат народот и државата и на сите што работат за победата, и изрази уверување дека благодарение на нив сонцето ќе изгрее во Украина.
Подготви: Д.Мишев
