Русија се обидува да го пронајде своето „чудесно оружје“, што укажува на целосен неуспех на инвазијата и страв од признавање на катастрофални грешки, изјави претседателот Володимир Зеленски во своето видео обраќање до нацијата.
Зеленски коментираше за изјавата на еден од претставниците на руската држава кој изјави дека окупаторите наводно почнале да користат системи за ласерско оружје во Украина. Демек за спас на проектили.
Прво, забележливо е дека треба да спасат проектили и некако да го објаснат тоа. Односно, повеќе од две илјади проектили истрелани од руската армија кон Украина беа главниот дел од нивните залихи на проектили. Односно останаа само остатоците, рече Зеленски и продолжи. Второ, сите веќе ја видоа Русија во војна. Неискусни регрути, кои ги фрла во битка како топовско месо. Разбојници кои за прв пат гледаат нормални апарати во странска земја. Стар советски „оклоп“ без модерна заштита. Забранети фосфорни бомби, со кои палат училишта и обични куќи.
Зеленски посочи дека проектилите, од кои повеќето руската армија ги потроши за уништување на апсолутно цивилна инфраструктура, се без никаков стратешки воен исход. Денеска на таков начин погодија проектили на Миколаев и Днипро.
Па, во пропагандата на нацистичка Германија имаше таков термин „wunderwaffe“. Чудо оружје. Колку што стануваше појасно дека немаат шанса во војната, толку повеќе имаше пропаганда за чудесното оружје, кое ќе биде толку моќно што ќе даде пресврт во војната, рече Зеленски. И тука гледаме дека во третиот месец од војната со полно размери, Русија се обидува да го најде својот „вундервафе“. Наводно ласер. Сето ова јасно укажува на целосен неуспех на инвазијата.
Според Зеленски, ова покажува и дека се плашат да признаат дека се направени катастрофални грешки на највисоките државни и воени нивоа во Русија. Затоа, тие ќе смислуваат сè повеќе „вундервафе“ додека вооружените сили на Украина и сите бранители чекор по чекор ја ослободуваат нашата земја.
Колку време ќе потрае? Одговор на ова прашање може да даде само реалната состојба на бојното поле. Се трудиме тоа да го направиме што е можно поскоро. Тоа е сигурно. Ние сме должни да ги истераме окупаторите и да и гарантираме на Украина вистинска безбедност, кажа Зеленски.
Тој информираше дека потпишал укази за продолжување на правниот режим на воена состојба и рокот на општа мобилизација, со надеж дека Врховната Рада на Украина ќе ја поддржи оваа одлука во блиска иднина. Украинската армија и сите кои ја бранат државата мора да ги имаат сите правни алатки за да дејствуваат стабилно.
Керсон, Мелитопол, Бердјанск, Енерходар, Мариупол и сите наши градови и заедници кои се под окупација – под привремена окупација – треба да знаат дека Украина ќе се врати, потенцира Зеленски.
Зеленски, во своето обраќање по повод Денот на сеќавање на жртвите од депортацијата на кримските Татари кажа дека државата никого не остава зад себе и по право го враќа она што и припаѓа на Украина.
Се сеќаваме на Крим. И никогаш нема да ја заборавиме 1944 година – геноцидот на кримските Татари извршен од советските власти. И 2014 година – вториот бран на уништување на сè што е слободно на полуостровот Крим, рече Зеленски. Особено на овој ден го потпишав законот за заштита на лицата лишени од слобода од окупаторите, како и за заштита на членовите на семејствата на таквите лица. Станува збор за сите затвореници во Кремљ – и на Крим и во окупираниот дел на Донбас. Законот им дава поголема заштита и помош од државата.
Тој истакна дека ги акумулира и сите можни ресурси на светот за поддршка на Украина. Му се заблагодари на Андриј Шевченко, легендарниот украински фудбалер, што стана првиот амбасадор на новиот национален бренд на Украина – Јунајтед24.
На државата ѝ е потребна оваа платформа токму сега, што овозможува, особено, да собере средства за поддршка на Украина. Секој во светот – со еден клик – може да придонесе за нашата победа. И во насоката што тој или таа ја смета за најважна. На пример, одбрана и деминирање, медицинска нега или обнова на земјата. А во почетокот на јуни ќе можеме да го видиме првиот специјален настан во Лондон со учество на Андриј Шевченко за поддршка на Јунајтед24.
Украинскиот претседател се заблагодари на претседателката на Европската комисија Урсула фон дер Лајен за пакетот помош за Украина објавен денеска, неговата сума е 9 милијарди евра. И, исто така, изрази благодарност за поддршка на плановите за обнова на Украина. Овој чекор на Европската комисија е доказ за вистинското лидерство за кое е способна Европската унија. И дефинитивно ќе ни помогне во борбата за нашата заедничка слобода.
Зеленски информираше дека зборувал со новиот претседател на Обединетите Арапски Емирати, му честитал на изборот и го поканил да учествува во повоената обнова на државата. Исто така разговарале за заканата за глобалната безбедност на храната што Русија ја предизвика со инвазијата.
Претседателот традиционално вечерта го потпиша указот за доделување на нашите херои. На 197 војници на вооружените сили на Украина им беа доделени државни награди. 5 од нив – постхумно.
Зеленски,на крајот од своето обраќање, истакна дека со особена чест им го врачил Орденот Златна ѕвезда на војниците кои претходно ја добија титулата Херој на Украина, полковникот Серхи Барановски за храброст и ефикасност во битките во Донбас, и полковникот Серхи Мусиенко за лична храброст и успех во битките во регионот Харков.
Подготви: Д.Мишев
