Денеска во регионот на Луганск окупаторите ја прекинаа евакуацијата од областите на воените дејствија пукајќи во автомобил кој ги следеше мештаните. Францускиот новинар Фредерик Леклер-Имхоф беше убиен од гранатирањето. Работел за францускиот ТВ канал BFM TV. Пред нешто повеќе од еден месец дадов интервју за овој телевизиски канал. Ова беше моето прво интервју со француските медиуми за време на војната од целосен обем. Моето искрено сочувство до колегите и семејството на Фредерик. Тој стана 32-риот медиумски претставник убиен по 24 февруари, изјави украинскиот претседател, Володимир Зеленски во синоќешното видео обраќање до нацијата.
Денеска една од клучните задачи на денот беше комуникацијата за одобрување на шестиот пакет санкции од страна на Европската Унија, рече Зеленски. Паузата во договарањето на новите санкции во Европа беше предолга. Петтиот пакет санкции беше воведен на 8 април. Значи, помина многу време без зајакнување на европските санкции против Русија.
Тој во своето обраќање до лидерите на европските земји кои се собраа на состанокот на Европскиот совет нагласи дека тоа конечно треба да се коригира – и тоа веднаш да се коригира . Особено, да се разговара за ова прашање.
Зеленски изрази благодарност на Шарл Мишел, претседател на Европскиот совет, за поддршката на интересите на Украина, интересите на цела Европа и што се обиде да ги најде потребните компромиси што е можно поскоро за да може да се усвои шестиот пакет санкции на Европската унија. . Русија мора да почувствува многу повисока цена за својата агресија.
Според него, клучната точка е, се разбира, нафтата.Тој изрази уверување дека Европа во секој случај ќе мора да се откаже од руската нафта и нафтени деривати, затоа што се работи за независност на самите Европејци од руското енергетско оружје. И колку побрзо тоа се случи, колку поцелосно ќе биде напуштањето на руската нафта, толку поголема ќе биде придобивката за самата Европа на крајот.
Зеленски информираше дека разговарал и за зајакнување на санкциите со министерот за Европа и надворешни работи на Франција, Кетрин Колона која го посети Киев. Покрај санкциите, разговарале и за прашањата за одбранбената поддршка за Украина, европска интеграција и потребата да се дејствува многу побрзо за да се спречи ескалација на кризата со храна во светот.
Сега, поради фактот што Русија ги блокираше нашите пристаништа во Црното Море и го зазеде нашиот дел од брегот на Азовското Море, не можеме да извеземе 22 милиони тони жито што се веќе во магацините во нашата земја. Ова е обемот што требаше да излезе на странскиот пазар. А руската блокада на нашиот извоз ја дестабилизира ситуацијата на глобално ниво. Како резултат на тоа, храната станува се поскапа во различни земји. Следствено, постои закана од глад. Во Африка, во Азија, во некои европски земји, изјави Зеленски.
Оваа закана може да ескалира во нова мигрантска криза. И ова е она што јасно го сака руското раководство. Тие намерно го создаваат овој проблем. Така што цела Европа се соочува со тешкотии. И за да Украина не добива милијарди долари за својот извоз. Ова се милијардите што сега навистина и требаат на нашата економија, дополни Зеленски. А жителите на африканските и азиските земји руската држава ги користи едноставно како договор за пазарење.
Зеленски истакна дека, наспроти ова, особено цинични изгледаат приказните на руските функционери на различни нивоа дека некои санкции наводно не им дозволуваат да го зголемат извозот на нивната храна, како демек сакаат да спречат криза, но демек санкциите им попречуваат.
Јасно е дека лажат, како и секогаш, категоричен е Зеленски.
Тој дополни дека , како прво, руската храна не беше блокирана со санкции, и второ, на украинската окупирана територија, руските напаѓачи веќе украдоа најмалку половина милион тони жито и сега бараат начини како илегално да го продадат некаде. Да го продаде на начин за да заработи од украденото и да го задржи дефицитот на легалниот пазар.
Претседателот Зеленски информира дека разговарал со турскиот претседател Ердоган, особено за оваа закана за безбедноста на храната. За тоа како да се обезбеди нормален сообраќај од украинските пристаништа на Црното Море. И, се разбира, за тоа како да се забрза крајот на оваа војна – војната на Русија против нашата држава, како и за понатамошна одбранбена соработка меѓу Украина и Турција.
Зеленски соопшти дека во регионот на Луганск окупаторите ја прекинаа евакуацијата од областите на воените дејствија пукајќи кон автомобил кој ги следеше мештаните. Францускиот новинар Фредерик Леклер-Имхоф беше убиен од гранатирањето. Работел за францускиот ТВ канал BFM TV.
Пред нешто повеќе од еден месец дадов интервју за овој телевизиски канал. Ова беше моето прво интервју со француските медиуми за време на војната од целосен обем., рече Зеленски. Моето искрено сочувство до колегите и семејството на Фредерик. Тој стана 32-риот медиумски претставник убиен по 24 февруари.
Зеленски истакна дека ситуацијата во Донбас останува исклучително тешка. Руската армија се обидува да собере огромни сили во одредени области за да изврши сè поголем притисок врз нашите бранители. Таму, во Донбас, сега е собрана максималната борбена моќ на руската армија. Северодонецк, Лисичанск, Бахмут, Авдиивка, Курахове, Славјанск и некои други населени места остануваат клучни цели на окупаторите во оваа насока.
Тој се заблагодари на сите бранители кои и покрај техничката, а понекогаш и квантитативната предност на окупаторите, херојски ја држат одбраната.
Претседателот соопшти дека руските војници повторно го гранатираа Харков. Територијата на нашиот регион Суми беше гранатирана и преку границата меѓу Украина и Русија.
Борбата за регионот Керсон продолжува. Чекор по чекор, ја ослободуваме нашата земја и постепено се приближуваме до точката кога Русија ќе мора да го остави оружјето, да ги изброи сите свои мртви и да премине кон дипломатијата. Дефинитивно мора, изјави Зеленски. Вечна слава на сите што ја бранат независноста на Украина! Вечен спомен на сите загинати од рацете на окупаторот. Слава на Украина!
Подготви: Д.Мишев
