ВЕСТ НА ДЕНОТ
Жан Митрев повикан на распит во ОЈО Скопје
Од Основното јавно обвинителство Скопје потврдуваат дека Жан Митрев е повикан на распит за определени околности во врска со предмет оформен по допрен глас во ОЈО Скопје. Обвинителството на 18 јули годинава, по допрен глас оформи предмет, откако ИРЛ објави истражување за работата на клиничката болница „Жан Митрев“ и доктор Жан Митрев.
ИЗЈАВА НА ДЕНОТ
ВОЈНА ВО УКРАИНА
Нуклеарното тело на ОН ги повика официјалните лица да ја посетат украинската централа Запорожје што е можно поскоро поради обновените гранатирања во областа и предупредувањата за „катастрофалните последици“ од продолжувањето на борбите во близина на најголемата европска атомска централа.
*
До 12 август, 361 дете загина, а 706 деца беа повредени како резултат на целосната вооружена агресија на Русија во Украина, објави Јавното обвинителство на Телеграм..
*
Руската армија уби седум цивили и повреди уште 14 во регионот на Доњецк во изминатиот ден, 11 август, објави Павло Кириленко, шефот на Доњецката Регионална воена управа.
*
На бескрајната листа на инструменти на руската агресија, меѓу најизразените е организацијата позната како ПВК „Вагнер“. Да го прикрие своите терористички активности, оваа групација користи дел на приватна воена компанија, сепак, ова нема врска со тоа како се сфаќа поимот тероризам во цивилизираниот свет.
*
Претседателот на Украина, Володимир Зеленски, е убеден дека Руската Федерација повторно го допре дното со гранатирање на нуклеарната централа Запорожје.
Никој во светот никогаш не инструментализирал нуклеарна централа да упатува закани, рече шефот на државата во вечерното видео обраќање до нацијата.
ФЛЕШ ВЕСТИ
ВАНДАЛИЗАМ Не стивнуваат реакциите со осуда и коментари со револт и гнев на социјалните мрежи, откако паметниот споменик поставен во Охрид, на македонскиот поет, писател и културен деец Григор Прличев, бил вандализиран по само 48 часа од неговото ппоставување.
ДИСЦИПЛИНСКИ МЕРКИ Одделот за внатрешна контрола, криминалистички истраги и професионални стандарди при МВР постапувајќи по пријава од Здружението на новинари на Македонија за непрофесионално полициско постапување на 11.08.2022 кон новинарката на Фокус В.К. од Неготино, а во врска со поплака од страна на жена од Неготино која на 08.08.2022 удрила малолетник со автомобил на улица ,,Маршал Тито” во Неготино, за што новинарката објавила текст, утврди несоодветно извршување на работните задачи од полициските службеници.
ЕВРОИНТЕГРАЦИИ Европските интеграции на земјава и заложбите да продолжи развојот на соработката меѓу Северна Македонија и Бугарија во сите области во кои постои взаемен интерес, согласно Договорот за пријателство од 2017 година, како и Протоколот од Заедничката меѓувладина комисија, беа меѓу темите на телефонскиот разговор на министерот за надворешни работи Бујар Османи со новиот шеф на бугарската дипломатија Николај Милков
ПРЕГОВОРИ Доколку лидерот на ВМРО-ДПМНЕ, Христијан Мицкоски својата кампања ја води со ставови против Бугарија и се противи на вклучувањето на Бугарите во Уставот на земјата, тоа ќе го блокира патот на Република Северна Македонија кон ЕУ, изјави бугарскиот европратеник и известувач на Европскиот парламент за земјава, Илхан Ќучик
ИЗБОРИ Рокот за пријавување за гласање во домашни услови за болни и немоќни лица, лица позитивни на Ковид-19 или лица на кои им е одредена мерка на самоизолација кои не се во можност да гласаат на гласачкото место, а сакаат да гласаат на изборите за градоначалници на општините Маврово и Ростуше и Центар Жупа и за членови на Советот на Општина Тетово истекува денеска, 12 август, во 24 часот.
СКРИНИНГ Државниот советник за европски политики во Секретаријатот за европски прашања, Драган Тилев за МИА го појаснува претстојниот процес на билатерален скрининг со ЕУ за усогласеноста на европското законодавство со македонското, што треба да започне во септември.
ПОЖАРИ Нема активни пожари во земјава, а 12 се изгаснати во изминатото деноноќие, соопшти Центарот за управување со кризи (ЦУК).
Д.Мишев
