Скопје Џез Фестивал во соработка Qatar Airways трета година по ред доделува „Златен Орикс“ за најдобар млад џез музичар. Оваа година наградата ја добива басистката Андреа Мирческа.
Наградата ќе се додели вечерва во 20 часот во МКЦ Клуб и Ресторан, придуржено со коктел забава и музички настап во живо.
*
Андреа Мирческа е родена 1998 година во Прилеп. Завршила средно музичко училиште во Битола. Студира џез контрабас, апсолвентка е на Факултетот за музичка уметност во Скопје, во класата на професорот Кирил Туфекчиевски. Повремено свири со Летечки пекинезери, била дел од Мјузик митинг Сараево во склоп на Џез фест Сараево. Гостува на неколку концерти на Јордан Костов Трио (со Марко Боско – перкусии и Маки Хачиyа – вокал и пијано). Дел е од најновиот авторски проект „Шамба“ на гитаристот Бојан Петков. Редовно настапува на клупски џез свирки во Скопје и низ земјата. Вклучена е и во повеќе уметнички проекти: ГОДО, Танго Ритмо, ЗиБомбхЛабаво&Фанки и други.