Уапсена Катица Јанева за 5.000 евра во случајот „Рекет“
Полицијата по налог на Јавно обвинителство ја приведе специјалната јавна обвинителка, Катица Јанева за случајот „Рекет“. Припадници на полицијата претходно извршија претрес во домот на Јанева во Скопје и Гевгелија, а извршија претрес и во канцеларијата на Јанева во СЈО, каде што е одземен нејзиниот службен компјутер.
Обвинителот Јовески бара мерка притвор за Јанева
„Јавниот обвинител е осомничен за злоупотреба на службената должност, за што Обвинителството ќе предложи мерка притвор“, изјави на прес-конференција, обвинителот Љубомир Јовески, по апсењето на Специјалната јавна обвинителка, Катица Јанева.
„Јанева заедно со другите двајца осомничени во случајот „Рекет“ прибавила „значителна материјална корист“, и примила „предмети и мебел во износ од 298 илјади денари“, рече Јовески.
Русковска: Не се приведени политичари за „Рекет“
Обвинителката Вилма Рускоска изјави дека Обвинителството за организиран криминал нема испратено налог за апсење на двајца политичари, како што објавија некои медиуми.
„Можеби се работи за друго Обвинителство, за друг случај. Од Обвинителството за организиран криминал нема таков налог“, изјави Рускоска на прес-конференцијата по апсењето на Специјалната јавна обвинителка, Катица Јанева.
Реакции по апсењето на Јанева
По денешното апсење на Специјалната јавна обвинителка Катица Јанева, која е осомничена за „злоупотреба на службената должност“ пристигнаа и првите реакции од партиите.
СДСМ смета дека градењето на независен правосуден систем ги покажува вистинските резултати и дека правната држава функционира неселективно за сите.
Од ВМРО-ДПМНЕ, пак, велат дека денеска „завршила кариерата на првиот соработник на Зоран Заев, Катица Јанева“.
ФЛЕШ ВЕСТИ
Ќе се санкционираат функционерите кои нема да го почитуваат Етичкиот кодекс.
Царовска најави отворање на нови центри за жртви на семејно насилство.
Статус кво во разговорите меѓу власта и опозицијата за Законот за јавно обвинителство.
УЈП ќе почне контроли кај физичките и правните лица поврзани со „Рекет“
Од Владата велат дека случајот „Рекет“ е потврда дека секој е еднаков пред правдата и законите.
Јовановиќ: Каде згреши оваа власт? (2 дел)
Во второт дел од своето излагање на семинарот на ЦИВИЛ „Транспарентност и одговорност во политичките процеси“, д-р Бранимир Јовановиќ, граѓански активист и експерт за финансии, поранешен советник на екс-министерот за финансии д-р Драган Тевдовски, се фокусираше на лошите здравствени реформи, (не)зависното и (не)праведно судство, привилегиите на функционерите и преоптоварената јавна администрација.
Дехран Муратов
