„Двајца пациенти со корона вирус на Клиниката за инфективни болести се ставени на комбинирана терапија со лековите хидроклор и азитромицин, познат како сумамед, што веќе се покажа ефикасен во повеќе земји. Оваа терапија не се дава на сите пациенти, потребно е претходно да се направи кардиолошка анализа (ЕКГ). Значи ако има и најмала промена во ЕКГ-то тогаш оваа терапија е контраиндицирана“, изјави министерот за здравство Венко Филипче, повикувајќи ги граѓаните да не купуваат на своја рака и да се обидуваат да ги најдат лековите, затоа што таа терапија може да се даде само според точна индикација од лекар специјалист.
*
Подофицер и војник во Армијата на Република Северна Македонија се позитивни на коронавирусот Ковид-19, соопшти денеска Генералштабот на Армијата. Двајцата припадници кај кои е откриен позитивен наод, веќе претходните неколку денови биле превентивно во самоизолација откако членови на нивните семејства се посомневале во симптомите на можно постоење на Ковид 19. Двајцата припадници не биле во странство.
*
Со цел уште поголема заштита на населението од ширењето на корона вирисот, Владата денеска донесе одлука за дополнителна рестрикција на движењето на населението за време на викенд. Се забранува движењето на сите граѓани за време на викенд (сабота и недела) од 16 часот до 05 часот. Остануваат на сила и сите други претходно донесени забрани.
*
Владата на Република Северна Македонија објави јавен повик за организирање на авионски превоз за државјаните на Република Северна Македонија во странство кои сакаат да се вратат во земјата од Љубљана. Крајниот рок за организирање на летовите треба да биде до 27.03.2020 година (петок) до 12:00 часот.
*
Еврокомесарот за соседска политика и проширување на Европската Унија, Оливер Вархеји, денеска со писмо го информираше претседателот на Владата на Република Северна Македонија, Оливер Спасовски дека тој веќе издал инструкции првите четири милиони евра од инструментите за ЕУ интеграција да бидат пренасочени за итни потреби на Северна Македонија.
*
Инцидент со полициски службеници во Штип каде, според неофицијаните извори, полицијата отишла на местото на настанот по пријава од граѓанин. Полицаецот бил исплукан во лице и нападнат, со закана дека е болен од корона вирусот, по што полициските службеници морале да употребат сила…
*
Управата за извршување на санкциите согласно владините препораки од 10 март годинава донесе забрана за контакти на осудените и притворените лица со надворешниот свет и презема мерки за одржување на високо ниво на хигиена, дезинфекција и сите достапни мерки за заштита
„Ја демантираме информацијата за појава на заболени осудени и притворени лица од новиот корона вирус – COVID 19 кои се наоѓаат на издржување казна затвор и мерка притвор во казнено-поправните установи во нашата држава“, се вели во соопштението од Управата за извршување на санкциите во врска со изјавата дадена од адвокатот Насер Рауфи на порталот „Журнал.мк“, а потоа истата преземена и од порталот „Курир”.
*
За среќа, и ова време има свои херои. Освен оние што се на првата линија – здравството, полицијата, војската, новинарите, луѓето во маркетите, аптеките… секојдневно ќе видите пример – некој се откажал од нешто свое, не мислел само за себе и направил нешто добро за сите.
– пишува Петрит Сарачини во својата вечерашна колумна Солидарност, инаку отидовме јабана во рубриката Midnight Express.
Б. Јордановска
ЦИВИЛ ГО ПОДОБРУВА ВИДОТ И ШТИТИ ОД РАЗНИ ВИДОВИ ЗАРАЗА.
Gepostet von Civil MK am Mittwoch, 25. März 2020
