ВЕСТ НА ДЕНОТ
Северна Македонија преставува добар пример за изградба на мултиетничко општество, но земјата мора да ја зајакне довербата во правосудниот систем, да го интензивира темпото на реформите поврзани со ЕУ, како и да ја исполни преземената обврска за комплетирање на уставните измени.
Ова се едни од главните пораки содржани во Предлог-извештајот за напредокот на земјава на патот кон ЕУ од „Пакетот за проширување“ на Европската комисија, што официјално треба да биде усвоен денеска и објавен попладнево.
Прес-конференција за презентација на Извештајот за Северна Македонија за 2024 година ќе одржат евроамбасадорот Рокас и министерот за европски прашања Муртезани во петок во зградата на Владата.
ИЗЈАВА НА ДЕНОТ
„Доста беше од теми кој со кого ќе коалицира или како ќе настапува. Повикувам да работиме на политики и решенија за стабилна државата и задоволни граѓани. Ставот за настапот на ЛДП во Парламентот беше соопштен во месец мај од страна на партијата, по одлука на највисоките партиски тела. ЛДП ќе продолжи да дејствува со свои предлози и со поддршка на она што смета дека е добро за граѓаните и државата“, вели Зајкова во разговорот со ЦивилМедиа.
РЕГИОН
Весиќ: Унгарија, Србија, Северна Македонија и Грција на 23 ноември потпишуваат заедничка изјава за изградба на брза пруга
СВЕТ
Ќерката на поранешниот претседател на САД, републиканецот Џорџ Буш, ја поддржа Камала Харис
Барбара Пирс Буш, ќерка на поранешниот претседател на САД, републиканецот Џорџ Буш помладиот, ја поддржа кампањата на демократската кандидатка Камала Харис. Минатата недела таа учествувала во мобилизација на гласачи во сојузната држава Пенсилванија, објави списанието „Пипл“.
ГРАЃАНСКА АКЦИЈА
ПРАШАЊЕ НА ДЕНОТ: Што треба да направат невладините организации за да се зајакне довербата во нив?
ДИСКУСИЈА БЕЗ ПАРДОН: Ексклузивни податоци, остри коментари: Второ издание на КОЛЕГИУМ
Учествуваат (според редослед на појавување): Џабир Дерала, Зоран Иванов, Биљана Јордановска, Дехран Муратов, Војо Маневски, Драган Мишев и Дестан Јонузи (Фронтлајн, Прес онлајн).
СЛОБОДНА ЗОНА
Премиерот и лидер на ВМРО-ДПМНЕ, Христијан Мицкоски, отако му даде време на времето, денеска го добил и го прочитал писмото на, како што вчера го нарече „граѓанинот“, лидерот на ДУИ, Али Ахмети, во врска со „неодамнешните одлуки на Уставниот суд и нивното влијание врз меѓуетничката кохезија и одржливоста на земјата“. Во меѓувреме, вчера имал како што вели „искрен и пријателски телефонски разговор со Бојко Борисов, на кој со задоволство му ја честитал победата на сестринската партија ГЕРБ на парламентарните избори во Бугарија“. Но, што содржел целиот разговор, јавноста нема информации, туку само тоа што кажал Мицкоски, пишува Дехран Муратов во анализата „Мистериозното писмо на Мицкоски до ЕУ и писмото на „граѓанинот“ Ахмети, историскиот проект со „Бехтел и Енка“ веќе не е „криминален“
*
„Да не бидеме малициозни, но ако сакаме да бидеме уште по прецизни, од укинувањето на летовите на Визер во зимскиот период, до почеток на летовите на новите линии на истата авиокомпанија, таму некаде од крајот на јуни, во период од 8 месеци, достигнувањето на Николовски во збогатувањето на редот на летање на скопскиот аеродро, барем што се однесува на нискобуџетниот Визер, преоѓа во негатива, и изнесува -3 (и со зборови: минус три)“, пишува Драган Мишев во колумната „Помогнете му на Николовски да изброи со колку линии на нискобуџетниот Визер го збогатил скопскиот аеродром: 3 – 3 = 0“.
Д. Муратов
