ВЕСТ НА ДЕНОТ
Независни граѓански иницијативи се обединуваат во заедничка платформа за учество на локалните избори
Во оваа нова платформа веќе се вклучени иницијативите Шанса за Центар , Независни За Карпош – За Заштита На Карпош , Зелените Од Гази Баба , граѓански активисти од повеќе скопски општини и други градови, а остануваме отворени и за други иницијативи од целата држава“, стои во нивното соопштение…
ИЗЈАВА НА ДЕНОТ
Процесот на проширување треба да остане заштитен од билатерални блокади и ревизионистички наративи и е неопходно воспоставување ефективни европски механизми за воведување и мониторинг на европските стандарди и експертиза, особено во доменот на историските и билатерални прашања, со цел да се обезбеди правичност и предвидливост на патот кон членството, истакнал министерот за европски прашања Орхан Муртезани на средбата во Берлин со неговиот германски колега Гинтер Крихбаум.
РЕГИОН
Во шумски пожар во Турција загинаа 10 пожарникари и спасувачи
Најмалку десет пожарникари и спасувачи загинаа, а 14 други беа повредени во среда додека се обидуваа да го локализираат шумскиот пожар во северозападна Турција, изјави турскиот министер за шумарство…
СВЕТ
Тајланд започна воздушни напади врз камбоџански воени цели
Тајланд започна воздушни напади врз камбоџански воени цели долж нивната долго спорна граница, ескалирајќи ги тензиите меѓу соседите од Југоисточна Азија. Камбоџа соопшти дека ќе „одговори решително“. Неколку часа претходно, тајландските и камбоџанските сили се судрија во повеќе области долж границата, при што загинаа најмалку осум лица во Тајланд…
ФОРУМ
ПРАШАЊЕ НА ДЕНОТ: Што мислите за учеството на граѓанските иницијативи на локалните избори?
Со здружување во заедничка формално регистрирана платформа, независните граѓански иницијативи ќе учествуваат на локалните избори.
Вашето мислење е важно!
Редакција ЦивилМедиа ги повикува сите заинтересирани граѓанки и граѓани да одговорат на ова, но и на претходните прашања на денот во коментарите на објавата.
ЦИВИЛНИ АКТИВНОСТИ
ЦИВИЛ: Новото лице на геноцидот во Газа – МАСОВНО ИЗГЛАДНУВАЊЕ. Светот не смее да продолжи со молкот!
ЦИВИЛ – Центар за слобода, како организацијата за човекови права изразува најдлабока осуда на масовното изгладнување во Газа, каде што населението веќе се наоѓа во петтата и најтешка фаза на акутна неухранетост (IPC Фаза 5 – „катастрофа“) според меѓународните проценки. Гладот повеќе не е закана – туку сурова реалност, со бројни регистрирани смртни случаи од глад, вклучително и деца. Геноцидот доби ново лице – МАСОВНО ИЗГЛАДНУВАЊЕ.
АНАЛИЗИ
Претседателот Володимир Зеленски тврдеше дека целта на законот за демонтирање на антикорупциската инфраструктура на Украина е да се ограничи руското влијание. Сепак, законот усвоен и потпишан на 22 јули нема никаква врска со руското влијание. Неговите клаузули ги лишуваат антикорупциските агенции од нивната независност и нема ништо во законот што ги таргетира руските агенти во или надвор од агенциите, пишува новинарот на Кијив Индипендент, Олег Сухов во анализата „Дали законот за демонтирање на независната антикорупциска инфраструктура на Украина има врска со руското влијание?“
СЛОБОДНА ЗОНА
Денес само повозрасниот дел од некогашните балкански „нации до отцепување“ што не успеа да замине, а при тоа во вкупниот збир на години единките имаат број шест како почетен број, следат се што на вестите ќе кажат веќе искомпромитираните телевизии. Јасно е дека нивното место е во одбрана на интересите на транзициските тајкуни кои се плашат од било кое влијание од демократските системи. И со право се плашат. Во тој свет на владеење на законите и правната држава, нивната можност да „бизнисуваат“ е битно намалена, пишува Војо Маневски во колумната „Одбрана до последните денови на транзициските слуги“.
Подготви: Д. Мишев
