ВЕСТ НА ДЕНОТ
За две години државните институции набавиле нови возила во вредност од 8,5 милиони евра
Центарот за граѓански комуникации (ЦГК) објави истражување за набавките на патнички возила на државните институции во 2023 и 2024 година и отворената база на податоци на договорите за јавните набавки на возилата. Истражувањето открива дека само за две години, 2023 и 2024, државните институции набавиле нови патнички возила за 8,5 милиони евра, дел купени, а дел земени на лизинг.
„Меѓу нив се и 45 владини возила, секое по 50 илјади евра, земени на лизинг за сегашните функционери, но и за поранешните премиери и претседатели. Најскапо набавено возило од 55 илјади евра е на Општина Шуто Оризари, додека Општина Прилеп набавила па го раскинала договорот за возило од 63 илјади евра. Просечната вредност на сите набавени возила во последните две години е 31.760 евра. Омилен бренд на функционерите им е Шкода, од која е набавено секое трето возило. Најмногу возила, 82, набавиле Електрани на Северна Македонија. На дури 70% од тендерите за набавка на возилата имало само по една понуда. Најголема вкупна вредност на склучени договори имаат фирмите Порше лизинг и Аутомотив груп, секоја по околу 2,8 милиони евра за две години“, наведено е во соопштението на ЦГК.
ИЗЈАВА НА ДЕНОТ
Премиерот на Гренланд, Муте Егеде остро му возврати на американскиот претседател Доналд Трамп критикувајќи го неговиот повторувачки предлог дека САД може да го анектира Гренланд.
„Сега американскиот претседател уште еднаш се осмели да нè припои. Не можам да го прифатам тоа во никој случај. Го почитувам изборниот резултат, но бидејќи верувам дека имам обврска како функција. Претседател на САД – Затоа побарав од бирократијата да ги повика претседателите на партиите што е можно поскоро. Затоа што овој пат треба да го заостриме нашето отфрлање на Трамп. Не продолжувајте да се однесувате со нас со непочитување. Доста е, доста”, напиша Егеде во објава на Фејсбук на 13 март.
РЕГИОН
Запален автомобилот на главниот опозиционер и критичар на власта на Република Српска
На претставник во парламентот на РС, Небојша Вукановиќ, кој е познат како најостриот критичар на режимот на Милорад Додик, во петокот вечерта му беше запален автомобилот пред неговата семејна куќа во Требиње, што го смета за одмазда за неговите политички активности. Вукановиќ денеска на Фејсбук објави снимка од надзорна камера на која се гледа како маж со визир се приближува кон автомобил и истура течност врз него, по што автомобилот се запалил, јавува Index.hr., пренесе ЦИВИЛ Медиа.
СВЕТ
Здружението за загрозени народи, невладина организација со седиште во Германија, која се залага за човекови права во светот, апелираше до земјите-членки на ЕУ, НАТО алијансата и Советот за имплементација на мирот во Босна и Херцеговина (ССМ), повикувајќи ги „да го спречат избувнувањето на нова војна во Босна и Херцеговина“, јавуваат српските медиуми, пренесе ЦИВИЛ Медиа.
АЛ-ПРЕС
(ИЗБОР) Албански медиуми: Пуштен во сообраќај тунелот „Муриз“ како дел од „Руга е Арбрит“; Шпионажата е сериозна закана за безбедноста на Косово; Влада, или нови избори?
Во Албанија, денеска свечено се пушта во сообраќај тунелот „Муриз“, проект кој во земјата се оценува како најважното дело на „Руга е Арбрит“, а значајно ќе ги приближи граѓаните од цела Албанија, вклучително и Дебар во Северна Македонија, јавуваат тамошните медиуми.
Шпионажата е сериозна закана за безбедноста на Косово, а последните апсења само ја истакнуваат континуираната опасност, велат експертите. Според нив, оваа активност не само што ја дестабилизира земјата внатрешно, туку и штети на нејзината меѓународна позиција. Институциите, пак, главно молчат за големината на проблемот, анализираат косовските медиуми.
ФОРУМ
ПРАШАЊЕ НА ДЕНОТ: Што прави власта за заштита од загадувањето?
СЛОБОДНА ЗОНА
„Светот мора да се сеќава на воените злосторства на Русија и да ја поддржи кампањата за враќање на украдените украински деца.
Враќањето на секое дете е чекор кон правда, безбедност и победа на Украина“, пишува украинската амбасадорка Лариса Дир во колумната „За потребата од помош за враќање на украдените украински деца од Русија“.
Д. Муратов
