24 ЧАСА: Поставена скулптурата „Горчливото сеќавање на детството“ во паркот „Украина“ во Чаир; Обвинителката Ристоска бара јавно извинување од Латас; Велика Британија ги прекина разговорите за слободна трговија со Израел поради војната во Газа

ВЕСТ НА ДЕНОТ

Амбасадорката Дир: Овој споменик за Украинците има свето значење, тоа е спомен и оддавање почит на децата и возрасните кои беа погубени со глад во Украина, по јасна наредба од Кремљ

Општина Чаир денес во Паркот „Украина“ организираше поставка на скулптурата „Горчливото сеќавање на детството“ – омаж за децата жртви на Холодоморот во Украина (1932–1933) и повик за рефлексија за трагичните последици од војните и неправдите.

Градоначалникот на Општина Чаир, Висар Ганиу, во своето обраќање пред јавноста, истакна дека овој симболичен чин, кој ги надминува националните граници, е доказ за посветеноста на Општината, како место на соживот помеѓу различни националности, кон промовирање на мирот, историското сеќавање и хуманите вредности.

На настанот присуствуваше украинска делегација предводена од амбасадорката Лариса Дир, која изрази благодарност за можноста да биде денес овде, на презентациjaта на овој споменик.

За Украинците, ова не е само метална фигура – овој споменик има за нас свето значење. Тоа е спомен и оддавање почит на децата и возрасните кои беа погубени со глад во Украина, по јасна наредба од Кремљ, истакна Дир.

ИЗЈАВА НА ДЕНОТ

Обвинитлката Ристоска бара извинување од Павловиќ – Латас, ја клеветел и напаѓал поради нејзината кандидатура во ЕСЧП

„Денес упатив барање за јавно извинување до Драган Павловиќ Латас, за клевети искажани во емисијата “Само вистина” емитувана на Канал 5 на 16.05.2025 година, во која лажно тврди дека неовластено сум земала износ од 100.000 евра според Агенција за борба против корупција и дека немам ни стаж. Имајќи предвид дека ДКСК за мене никогаш немала поведено било каква постапка поврзана со примањата кои ги имам остварувано како обвинител во СЈО, како и дека сум дел од правосудниот систем од 2009 година, барав јавно извинување за ваквите клевети“, напиша Ристоска на „Фејсбук“.

РЕГИОН

Средношколците во Белград ќе протестираат пред Министерството за образование поради продолжувањето на учебната година

Учениците од средните училишта во Белград најавија протест пред Министерството за образование попладнево поради планираното продолжување на учебната година, со цел да се надоместат пропуштените часови за време на прекините на работата и блокадите, јави дописникот на МИА од Белград.

СВЕТ

Велика Британија ги прекина разговорите за слободна трговија со Израел, го повика амбасадорот и ја осуди „монструозната“ воена ескалација во Газа

Велика Британија вчера ги прекина разговорите за слободна трговија со Израел, го повика својот амбасадор и најави дополнителни санкции против доселениците на Западниот Брег, додека нејзиниот министер за надворешни работи ја осуди „монструозната“ воена ескалација во Газа, пишува Ројтерс.
Израелската војска минатата недела објави почеток на нова операција, а медицинските лица во Газа велат дека во израелските напади загинале повеќе од 500 луѓе во последните осум дена.

АЛ-ПРЕС

(ИЗБОР) Албански медиуми: Во мегаоперација на СПАК и италијанската анти-мафија уапсени 52 лица; Бериша се жали во САД за поразот на изборите; Албанија го отвора третото поглавје; И по 19 обид не успеа конституирањето на косовското собрание

Голема операција против меѓународна трговија со дрога доведе до апсење на 52 лица меѓу Италија и Албанија, пишуваат албанските медиуми. Вмешана и полицијата, а конфискувани се три милиони евра.

Во Косово денеска ниту по деветнаесеттиот обид, не се конституираше собранието, јавуваат косовските медиуми.

ФОРУМ

ПРАШАЊЕ НА ДЕНОТ: Што мислите за стратешкиот договор со Велика Британија

Д. Муратов

Лажната дилема на лажните либерали и прогресивци

Шекеринска: Време е да инвестираме во мирот и стабилноста

Од Голема блокада до Голема Србија

РЕАКЦИИ: Поддршка за студентите во блокада – време е Вучиќ да падне

ПРАШАЊЕ НА ДЕНОТ: Што мислите за работата на владата во текот на првата година?

За Кос членството во ЕУ е најдобар начин да се заштити идентитетот, културата и јазикот на Македонците, Мицкоски очекува секаков инженеринг во ЕП

Украински дронови „со хируршка прецизност“ нападнаа руска фабрика на 1.300 км оддалеченост, на Крим уништени скапи руски системи за воздушна одбрана

Самит на ЕУ и Западен Балкан: Седумдесет и пет отсто од договорените реформи со земјите од региoнот се или имплементирани или се во тек

НАЈЧИТАНИ 5

Костадинов до Латас: Кога ќе ја чепнеш честа на мојот мртов татко, правдата не се моли. Се зема.

Едногодишен помен

Дијаспората веќе не е „нерезидент“ – Одлука на Уставен што менува правила

(ВИДЕО) Нов гаф на Сиљановска Давкова – го помеша Марко Рубио со Џеј Ди Венс, кого го нарече Ди Џеј

Сервилност или велемајсторски дипломатски потег – дали Руте последен се смее

CIVIL MEDIA NEWSLETTER

СЛОБОДНО.НЕЗАВИСНО.ОТВОРЕНО