24 ЧАСА: Потерница по Груби и Бајрами; ќе се покачи струјата во домаќинствата; Косово и Србија конечно постигнаа заеднички договор

ВЕСТ НА ДЕНОТ

МВР распиша меѓународни потерници по Артан Груби и Перпарим Бајрами

Министерството за внатрешни работи распиша меѓународни потерници за поранешниот вицепремиер Артан Груби и директорот на Државна Лотарија, Перпарим Бајрами кои се товарат за проневера на околу осум милиони евра од Државна лотарија.

Јавното обвинителство вчера соопшти дека ќе побара од Министерството за внатрешни работи да распише потерница по овие две лица на кои Основноот кривичен суд им определи мерка притвор од 30 дена.

Двете лица се недостапни за органите на прогонот.

ИЗЈАВА НА ДЕНОТ

Во првиот блок, зголемувањето е 0,68 проценти, во вториот за 0,9 проценти, во третиот за 1,93 проценти, во четвртиот за 2,24 проценти, додека во евтината тарифа за 0,9 проценти. Тоа значи дека едно просечно домаќинство во државата кое има сметка од 2300 денари, зголемувањето ќе има зголемен трошок од 21 денар, рече претседателот на Регулаторната комисија за енергетика, Марко Бислимоски.

РЕГИОН

Косово и Србија склучија договор за расветлување на судбината на 1.600 исчезнати лица за време на војната

Претставниците на Косово и Србија на трипартитната средба во Брисел се договорија целосно да се спроведе заедничката изјава за исчезнатите лица за време на војната. Средбата беше со посредство на пратеникот на Европската унија за дијалог Мирослав Лајчак. Заедничката изјава за исчезнатите лица е дел од договорот меѓу Косово и Србија постигнат минатата година во Брисел и во Охрид, Северна Македонија, пренесуваат косовските медиуми.

СВЕТ

Резолуција на Генералното собрание на ОН: Русија ги крши човековите права на окупираните територии во Украина 

Генералното собрание на Обединетите нации (УНГА) усвои ажурирана резолуција со наслов „Состојбата со човековите права во привремено окупираната Автономна Република Крим и градот Севастопол, Украина“.

ФОРУМ

ПРАШАЊЕ НА ДЕНОТ: Што мислите за прекинот на водоснабдувањето на Скопје во сабота?

Големата конференција на ЦИВИЛ и МЕДИА ДИАЛОГ / Y4M во домашниот и странскиот печат

ЦИВИЛ – Центар за слобода во соработка со МЕДИА ДИАЛОГ / Y4M (Северна Рајна Вестфалија, Германија), на 12 и 13 декември 2024 година во Скопје одржаа голема меѓународна конференција на тема „Одбрана на демократијата и човековите права во услови на војна, национализам и авторитаризам“.

Конференцијата предизвика голем интерес кај нашите медиуми, но и кај медиумите во регионот, особено во Босна и Херцеговина, кои најголемо внимание посветија на говорот на претставникот на Босна, Адмир Лисица.

Конференцијата беше пренесувана и на медиумите во Германија.

Д. Муратов