ЦИВИЛ – Центар за слобода во соработка со МЕДИА ДИАЛОГ / Y4M ( Северна Рајна Вестфалија, Германија), на 12 и 13 декември 2024 година во Скопје одржаа голема меѓународна конференција на тема „Одбрана на демократијата и човековите права во услови на војна, национализам и авторитаризам“.
Конференцијата , која се одвиваше во четири сесии нa кои учествуваа над 25 учесници од Северна Македонија, регионот, Европа и САД, меѓу кои Натаниел Лимински, Министер за федерални, европски и меѓународни работи и медиуми на Северна Рајна-Вестфалија, Петра Дрекслер, Амбасадорка на Сојузна Република Германија, Вилма Дамбраускиен, Амбасадорка на Литванија, Кристијана Ајлдерс, универзитетска професорка, Универзитет Хајнрих Хајне, Дизелдорф/ Германија, Сашо Орданоски, новинар/ Северна Македонија, Волфганг Ресман, Претседател, Медиа дијалог/Y4M, Германија, Хедер Роберсон Гастон, експертка за човекови права/ САД, Роџер Касале, Генерален секретар, Нов европски граѓански форум/ Италија, Ксенија Халубович, новинарка, Германско-француска награда за новинари 2021/ Белорусија (во егзил), Мика Бојстер, Претседател, Германска унија на новинари, Германија, Адмир Лисица, истражувач/ БиХ, Бојан Маричиќ, активист на граѓанското општество, поранешен вицепремиер за европски работи и поранешен министер за правда / Северна Македонија, Гудрун Штајнакер, потпретседателка на Асоцијацијата на Југоисточна Европа/ Германија, Ерван Фуере, виш истражувач, Центар за европски политички студии/ Белгија, Катерина Павлова, експертка за дезинформации и пропаганда, Украина/Германија, Константинас Андријаускас, универзитетски професор/ Литванија, Срѓан Цвијиќ, Претседател на Советодавниот комитет на Белградскиот центар за безбедносни политики/ Србија, Едвард Џозеф, експерт за менаџмент на конфликти, универзитетски професор, Универзитет Џон Хопкинс/ САД, Олха Данилјук, новинарка, Украина, Астрит Истрефи, политички и безбедносен аналитичар/ Косово, предизвика голем интерес кај домашните и странски медиуми. За Конференцијата известуваа повеќе македонски медиуми кои ги пренесоа говорите на панелистите, а имаше и медиуми кои земаа изјави и направија интервјуа со дел од панелистите.
Конференцијата предизвика интерес и кај медиумите во регионот, особено во Босна и Херцеговина, кои најголемо внимание посветија на говорот на претставникот на Босна, Адмир Лисица.
Конференцијата беше пренесувана и на медиумите во Германија.
ЦИВИЛ неодамна ја лансира веб страницата DefendingDemocracy во состав на интернет весникот ЦивилМедиа. Веб страницата се креираше по повод големата меѓународна конференција „Одбрана на демократијата и човековите права во услови на војна, национализам и авторитаризам“ што се одржи во Скопје, 11 и 12 декември.
Новата интернет платформа на ЦИВИЛ е на англиски јазик, со линкови до сите содржини на македонски и албански. На располагање е новата рубрика ДЕМОКРАТИЈА (линк) на македонски, односно DEMOKRACI (линк) на албански, специјално посветени на Конференцијата, како и на сите резултати што ќе произлезат од овој значаен меѓународен настан.
Целото видео од конференцијата можете да го погледнете тука:
Драган Мишев
