ВЕСТ НА ДЕНОТ
Координаторите на пратеничките групи на ВМРО-ДПМНЕ, СДСМ и Европски фронт денеска во изјава за медиумите истакнаа дека целта на Предлог на законот за прогласување на просторот околу Собранието на Република Северна Македонија за безбедносна зона има за цел да спречи приватни субјекти да градат приватни објекти блиску законодавниот дом, а не, како што посочија, за забрана на протести на граѓаните.
„Со Предлогот на законот за прогласување на просторот околу Собранието на Република Северна Македонија за безбедносна зона ќе се овозможи слободен пристап на пратениците, надворешните лица кои учествуваат во работата на Собранието (претставници на Владата и на органите на државната управа и на други органи) и на вработените во Службата на Собранието, во просторот околу Собранието и истовремено ќе се заштити објектот, пратениците, Службата и просторот околу Собранието кој е прогласен за безбедносна зона за искористување за потреби, кои не се на Собранието и објектите кои се наоѓаат во негова непосредна близина, а се во границите на безбедносната зона“, се наведува во образложението на предлог-законското решение.
ИЗЈАВА НА ДЕНОТ
– Наша политичка цел е да ги започнеме преговорите со Северна Македонија по Кластерот „Основни вредности“, штом ќе бидат усвоени потребните уставни измени. Бугарија и Северна Македонија треба да почнат да разговараат интензивно и да најдат решение за ова билатерално прашање и јас стојам на располагање како олеснувач ако е потребно, порача денеска еврокомесарката за проширување Марта Кос во воведното обраќање на дебатата со членовите на Комитетот за надворешни работи на Европскиот парламент посветена на проширувањето на ЕУ, состојбите во Украина и соседската политика на блокот.
РЕГИОН
Силен земјотрес со јачина од 5,8 степени ги погоди Турција и Грција
Силен земјотрес со јачина од 5,8 степени беше регистриран во текот на ноќта во морскиот дел на 23 километри северно од грчкиот остров Родос и во близина на турското крајбрежје. Турските медиуми рано утрово објавија дека 14-годишно девојче загинало во земјотресот, додека вкупно 69 лица се повредени. Девојчето билчо пренесено во болница откако доживеало напад на паника, но починало и покрај напорите на лекарите.
СВЕТ
24 Палестинци убиени од израелски оган додека чекале помош во Рафа
*
Во руските напади врз Украина во текот на изминатиот ден загинаа 7, повредени уште 42 цивили
*
Безбедносната служба на Украина (СБУ) го изврши третиот напад врз Кримскиот мост откако започна целосната војна во Русија во 2022 година, минирајќи и оштетувајќи ги неговите подводни потпори, објави СБУ на 3 јуни, пренесува Кијив Индипендент.
ФОРУМ
ПРАШАЊЕ НА ДЕНОТ: што мислите за јавните караници меѓу Данела Арсовска и Христијан Мицкоски?
СЛОБОДНА ЗОНА
„Додека западните демократии воведоа сеопфатни санкции кон Кремљ, Кина го искористи вакуумот за да ги продлабочи економските врски со Москва, особено во енергетиката, технологијата и земјоделството.
Кинеските компании купуваат руска нафта и гас по значително пониски цени. И покрај намалените цени, овие трансакции сè уште вбризгуваат милијарди во руската економија – ја стабилизираат рубљата и го одржуваат во живот воено-индустрискиот комплекс што ја води војната против Украина“, пишува Џабир Дерала во анализата „Кинеската не толку „мека моќ“: Тивкиот партнер во војната на Путин“.
Д. Муратов
