ТЕМА НА ДЕНОТ
РУСКИ ВОЕНИ ЗЛОСТОРСТВА: Додека САД и Русија разговараат за прекин на огнот, Русите егзекутираат заробени украински војници
Украинските војници под закана со оружје се искачија од разурнатата куќа – едниот со кренати раце за да им се предаде на руските трупи и легнаа со лицето надолу во раната пролетна трева. И тогаш започнува убивањето. Два беспилотни летала – еден украински и еден руски – ја снимија сцената од високо над јужното украинско село Пјатихатки. Асошиетед прес успеа да дојде до двете видеа. Тие нудат многу различни верзии за тоа што се случило потоа.
Видеото од украински беспилотно летало, кое АП го доби од европските воени претставници, покажува војници вo униформа со руски ознаки како го креваат оружјето и пукаат на секој од четворицата Украинци во грб со таква жестокост што еден човек остана без глава.
Видеото од руското беспилотно летало, кое АП го лоцираше на про-Кремљ социјалните мрежи, нагло се прекинува во делот каде украинските војници кои лежат на земја сé уште се живи. „Како резултат на работата што ја направија нашите момци, непријателот реши да не биде убиен и излезе со кренати раце“, напиша руски воен блогер кој го објави видеото.
ИЗЈАВА НА ДЕНОТ
Штајнмаер: Европска армија не е реална замена за безбедноста што ја обезбедува НАТО
„Треба да бидеме благодарни на НАТО за многу нешта. Мојот совет е да не бараме одговори во неостварливи алтернативи. Европската армија е идеја, но не и реална замена за безбедноста што ја обезбедува НАТО, рече Штајнмаер при посетата на воен штаб во Кобленц“, изјави Германскиот претседател Франк-Валтер Штајнмаер.
РЕГИОН
Првиот осуден за геноцидот во Сребреница префрлен во естонски затвор, откако му е одбиено барањето за предвремено ослободување
Радислав Крстиќ, поранешниот командант на Дринскиот корпус на војската на Република Српска, кој Хашкиот суд го прогласи за виновен за геноцид на повеќе од 8.000 Бошњаци во Сребреница, прогон како злосторство против човештвото и убиство како кршење на законите и обичаите на војната, осуден на 35 години затвор, ќе продолжи да ја отслужува казната во Естонија.
СВЕТ
Кина ги зголеми тарифите за американските стоки на 125% , трговската војна со САД ескалира
Кина ги зголеми даноците за увоз на американски стоки на 125 отсто, ескалирајќи ја трговската војна меѓу двете најголеми економски сили во светот. Пекинг се соочува со давачка од 145% за некои од неговите стоки увезени во САД.
АЛ-ПРЕС
Редакциски избор од албански медиуми: Во Албанија официјално започна предизборната кампања; Граѓаните во Косово протестираат против поскапувањето на струјата; Управниот одбор на косовската РКЕ не открива колкаво е поскапувањето- се судри со новинарите
ГРАЃАНСКИ ФОРУМ (ПРАШАЊЕ НА ДЕНОТ): Што сакате да им порачате на властите?
Подготви: Б. Јорданвоска
