ВЕСТ НА ДЕНОТ
Премиерот Христијан Мицкоски денеска на прес-конференција во Владата одговарајќи на новинарско прашање за објавите во бугарските медиуми дека трите најголеми политички сили во Европскиот парламент се согласиле да ги отстранат термините „македонски идентитет“ и „македонски јазик“ од нацрт-извештајот за напредокот на земјава истакна дека на талибански начин се бришат македонскиот идентитет и македонскиот јазик од Ивештајот на ЕП.
-За жал, оние егзибиции коишто седум години се случуваа кај нас, дома тука, не доведоа во една ваква ситуација. Еве гледате би рекол, има еден збор да го употребам, но не би сакал да го употребам, но ќе го употребам, ќе одам чекор понапред, на талибански начин се брише македонскиот идентитет и македонскиот јазик од Ивештајот во Европа.
Според објавата на бугарската агенција БГНЕС трите најголеми политички сили во ЕП, Европската народна партија (ЕНП), Прогресивниот сојуз на социјалистите и демократите (С&Д) и Обнова се согласиле да ги отстранат термините „македонски идентитет“ и „македонски јазик“ од нацрт-извештајот за напредокот на земјава, кој треба да се гласа на пленарната седница на ЕП на 8 јули, а информацијата на Фејсбук ја потврди и бугарскиот европратеник Андреј Ковачев.
Според СДСМ, токму премиерот Мицкоски го избриша македонскиот јазик од Европскиот парламент и треба да сноси одговорност. Најголем непријател на македонскиот јазик, култура и идентитет е Христијан Мицкоски.
ИЗЈАВА НА ДЕНОТ
Обвинителот се откажа од обвинение против кумановскиот градоначалник Максим Димитриевски
-Основниот суд Куманово заради интерес на јавноста за постапката по предметот на Основен суд Куманово К-115/24 против обвинетиот М.Д. од Куманово за кривично дело-злоупотреба на службената положба и овластување од чле. 353 ст. 4 в.в. со ст. 1 од КЗ, известува дека на ден 1 јули годинава, донесена е пресуда со која обвинението се одбива согласно на член 402 ст. 1 т. 3 од Законот за кривична постапка, затоа што јавниот обвинител со поднесок од ден 30 јуни годинава се откажа од обвинението, соопшти Основен суд Куманово.
РЕГИОН
Високиот суд во Белград го ослободи поранешниот командант на Дринскиот корпус на Војската на Република Српска (ВРС) Миленко Живановиќ од обвинението за воени злосторства против цивилното население во Сребреница во јули 1995 година, пишува РСЕ на српски јазик.
СВЕТ
Најновите тензии избувнаа за време на викендот кога руските службеници за спроведување на законот приведоа над 50 азербејџански државјани во Екатеринбург, Русија, како дел од истрагата за случај на убиство од 2001 година.
Двајца мажи – браќата Зијадин и Хусеин Сафаров – беа убиени за време на операцијата, а неколку други беа повредени. Инцидентот предизвика остар одговор од Баку.
ФОРУМ
ПРАШАЊЕ НА ДЕНОТ: Реална потреба или предизборен поткуп, што мислите за ребалансот на буџетот?
СЛОБОДНА ЗОНА
„Власта очигледно нема контрола ниту над пешачките зони, улиците, ниту над транспортот, ниту над јавната безбедност. Уште колку животи треба да се загубат пред некој да сноси одговорност?
Ова не се изолирани инциденти, ова е симптом на длабока институционална парализа. Живееме во држава каде што насилството, беззаконието и несреќите стануваат секојдневие“, пишува Дехран Муратов во колумната „Скопје како зона без контрола: Убиен пешак, нападната пратеничка, автобус во пламен – државата го губи компасот“
Д. Муратов
