ВЕСТ НА ДЕНОТ
Граѓаните и понатаму ќе купуваат скапи производи, Владата не ја донесе одлуката за ограничување на маржите за 10 отсто
Владата вчера не ја донесе одлуката за 10-процентно ограничување на маржите во трговијата на мало и големо што требаше да важи до 30 април и да опфати над 100 групи производи откако Стопанската комора на трговци на големо и мало вчера побара итна средба во врска со одлуката за ограничување на маржите.
Предлог-одлуката подготвена од Министерството за економија, според најавите, требаше вчера да биде разгледана на итна седница. По порастот на цените на основните прехранбени производи и граѓанските бојкоти, Владата во вторникот го задолжи Министерството за економија и труд да донесе одлука до 10-процентно ограничување на маржата во трговија на мало и 10 проценти на трговија на големо на основните прехранбени производи на истите 73 групи на производи кои беа во претходните кошници, но да се дополни со средства за хигиена како што се детергентите, како и со бебешката храна и други непрехранбени производи кај кои е забележана многу висока маржа, а се дел од основните потреби на граѓаните.
ИЗЈАВА НА ДЕНОТ
-ВРЕДИ е подготвен да разговара за се. За жал, во минатиот период повеќе осетливи теми се ставаат под тепих. Ние сме подготвени да разговараме за пакет мерки кои се нерешени во изминатите 20 – 30 години и во пакет да ги решиме, зошто тука да не бидат и грбот и химната и 20 отсто и други етнички прашања ако има и веќе да се фокусираме на економијата, евроинтеграција, антикорупција, подобри плати, подобар живот, истакна Таравари.
РЕГИОН
Под слоганот „Соборност и гордост“ во Бања Лука започна одбележувањето на Сретење, Денот на српската државност, кој од оваа година се слави и како заеднички празник со РС. Мирослав Додик истакна дека Република Српска мора да го води својот „ослободителен процес“ против БиХ.
Британската амбасадата во БиХ ги предупреди политичките лидер на Република Српска: „Зборовите имаат тежина, а Уставот на БиХ е недвосмислен“.
СВЕТ
Руско нападно беспилотно летало го погоди заштитното засолниште (саркофгот) на уништената 4-та енергетска единица во нуклеарната централа во Чорнобил, објави претседателот Володимир Зеленски на 14 февруари.
ФОРУМ
ПРАШАЊЕ НА ДЕНОТ: Што мислите зошто Владата не ја донесе одлуката за ограничување на маржите за 10 отсто?
#esPRESSo со Џабир Дерала
(ВИДЕО, 3 минути) Восхит и фасцинација од математичката прецизност на премиерот, светски пример за реформи! А што се случи со 250-те милиони евра за општините?
СЛОБОДНА ЗОНА
„Mојата приказна во Хајделберг започна во Април 2019, кога запишав еден семестар за изучување на германскиот јазик, како подготвителен семестар пред правните студии. Условот за упис во мојата група беше Б2 ниво. Институцијата при Универзитетот во Хајделберг, како и при речиси секој друг yниверзитет во Германија, се вика Studienkolleg“, пишува Ѓорѓи Наумоски во колумната „Мојата приказна на Универзитетот во Хејделберг, Германија“.
Д. Муратов
