ВЕСТ НА ДЕНОТ
Земјотрес со јачина од 7,7 степени според Рихтер го погоди Мјанмар, потреси се почувствуваа низ соседен Тајланд
Централниот дел на Мјанмар го погоди силен земјотрес со јачина од 7,7 степени, според Геолошкиот институт на Соединетите Американски Држави, а потреси се почувствуваа низ Тајланд, како и во соседните кинески провинции.
Видеата споделени на социјалните мрежи покажуваат оштетувања на зградите во Бангкок.43 лица се заробени откако зграда во Бангкок се урна за неколку секунди. Седум други лица се повредени. Мјанмар е лошо опремен да се справи со катастрофа од толкава сила и обем. Таа е една од најсиромашните нации во Азија и е западната во брутална четиригодишна граѓанска војна откако војската ја презеде власта.
ИЗЈАВА НА ДЕНОТ
Рокас: Реформската агенда не е лек за сите болести туку заеднички напор за трансформирање на општеството на патот кон ЕУ
„Проширувањето е еден од главните приоритети на Комисијата, а Реформската агенда покрај инструментот за претпристапна помош е всушност двигателот со кој што се постигнува таа цел. Би сакал да бидам јасен, парите што ги даваме денес се дополнување на она што веќе постои. Реформската агенда и распределбата според неа за Северна Македонија е 750,4 милиони евра покрај тековните ИПА програми кои надминуваат 500 милиони евра во чисти грантови за финансирање. Со овие финансиски распределби и јасната политичка поддршка Реформската агенда од Планот за раст е досега невидена можност за земјата да ги забрза клучните придобивки од членството во ЕУ, како и да ја зголеми економкста конвергентност пред пристапувањето, нагласи Михалис Рокас, шефот на Делегацијата на Европската Унија во Скопје.
РЕГИОН
Авионот на владата на РС слетал во Бања Лука; Се претпоставува дека Додик се симнал во Белград; Се чека зелено светло од Интерпол за „црвена потерница“
Авионот на Владата на Република Српска што го превезуваше Милорад Додик од Тел Авив во Белград слета во Бања Лука два часа по полноќ. Се претпоставува дека претседателот на ентитетот на Босна и Херцеговина, РС , излегол од леталото во главниот град на Србија за време на кратката пауза што ја направил пилотот. По него е распишана централна потерница која се однесува на подрачјето во рамките на Босна и Херцеговина. Доколку Интерпол го потврди барањето, тоа значи дека Додик би требало да биде уапсен во која било земја членка на Интерпол.
СВЕТ
Белата куќа го отфрли предлогот на Путин за привремена влада во Украина
Белата куќа го отфрли предлогот на рускиот претседател Владимир Путин за формирање привремена влада во Украина под надзор на Обединетите нации. Путин предложи во Украина да се формира преодна администрација, под надзор на ОН и неколку земји, за да се организираат избори.
АЛ -ПРЕС
Редакциски избор од албански медиуми: Процесот на ЕУ и интеграции на Албанија не зависи од исходот на изборите; Соренсен, надеж за прашањето на исчезнатите; Русија не наоѓа мир со себе
ПРАШАЊЕ НА ДЕНОТ: Што прават властите да нѐ заштитат од загадувањето?
Подготви: Б. Јордановска
