Со извонредно интересна агенда, како за пошироката јавност, така и за членовите на тимот на организацијата, во седиштето на ЦИВИЛ веќе пристигнуваат пријавите за Семинарот за стратешко планирање, едукација и градење партнерства: „Транспарентност и одговорност во политичките процеси“.
Семинарот ќе се одржи на 14 и 15 август, во хотел „Романтик“, на брегот на Велешко Езеро. Рокот за поднесување онлајн пријава за учество на семинарот „Транспарентност и одговорност во политичките процеси“ истекува во понеделник, 17 часот.
Пристигнаа и првите прашања поврзани со организацијата. Организаторите најавуваат дека утре, понеделник, ќе ги одговорат сите прашања на оваа и на веб страниците Граѓански објектив и ЦИВИЛ, како и на социјалните мрежи и ФБ настанот.
Едно од прашањата е важно да се одговори веднаш, а тоа е дека најавите за присуство на Фејсбук или по телефон, не се сметаат за регуларни, туку се бара пополнување онлајн Пријава за учество.
Со повеќе информации за агендата, учесниците и логистиката на настанот, организацискиот тим ќе бида онлајн во текот на наредните два дена (понеделник-вторник, 12-13 август)
ЦИВИЛ Тим за комуникации
фотографија во прилог на текстот: од Архивата на ЦИВИЛ (Семинар за граѓанско новинарство, Велес, февруари 2019 година)
Дополнителни информации побарајте на: civil@civil.org.mk или 02/5209 176 (секој работен ден, 9-17 ч.)
