ВЕСТ НА ДЕНОТ: Пендаровски не планира да свика лидерска средба
Претседателот на Република Северна Македонија Стево Пендаровски не планира да свика лидерска средба, велат за МИА од Кабинетот на шефот на државата.
-И самиот лидер на ВМРО-ДПМНЕ Христијан Мицкоски во изјавата за медиумите вели дека претседателот на државата не е лидер на политичка партија, а тој бара свикување средба со лидерите на партиите, истакнуваат од Кабинетот на Пендаровски.
Премиерот и претсетадел на СДСМ Зоран Заев денеска најави одржување лидерска средба до крајот на годинава. Рече дека очекува да ја свика шефот на државата Стево Пендаровски, но ако тоа не се случи, тогаш иницијативата ќе ја „потегне“ тој.
Лидерот на ВМРО-ДПМНЕ Христијан Мицковски, пак, најави дека неговата партија нема да учествува ако лидерската ја организира Пендаровски.
ИЗЈАВА НА ДЕНОТ: 100 дена Влада, Заев во одговор на ЦИВИЛ МЕДИА: Барам поддршка од медиумите да воспоставиме европски модел за одбрана од хибридните закани
ЦИВИЛНИ АКТИВНОСТИ
Видео репортажа за предвремените избори во Штип: Графити и флаери за бојкот, непристапни места за гласање на лица со попреченост
Општините Штип и Пласница вчера (13 декември 2020 година) беа во центарот на вниманието, односно сите очи беа вперени како ќе се одвива гласањето за избор на нов градоначалник.
СКЕН – Изборни реформи: Желбите наспроти реалноста
ФЛЕШ ВЕСТИ
Со цел да се избегне ширење на корона вирусот и зголемување на бројот новозаразени случаи во престојниот период на празници, Комисијата за заразни болести во текот на денешниот ден ќе препорача до Владата во периодот од 18 декември до 21 јануари нови рестриктивни мерки, меѓу кои и угостителиските објекти да се затвораат во 18 часот, наместо до 21 часот како што беше досега.
Во изминатите 24 часа во ковид – центрите во болниците низ земјава е пријавено дека се лекуваат вкупно 826 пациент позитивни и суспектни на коронавирусот.
Владата донесе одлука за пренамена на дел од средствата за еднократна помош за 7.500 медицинските работници, кои вршејќи ја својата работа се директно во контакт со заразени лица со коронавирусот.
Стапката на сиромашни граѓани во земјава во 2019 година изнесувала 21, 6 проценти што е за 0,3 проценти пониска во однос на 2018 година, покажуваат најновите статистички податоци.
Формирана е работна група од Владата за ревидирање на доскрециските овластувања на функционерите во насока да се донесе пакет на измени на закони со кои дискрециските права ќе се елиминираат или ограничат секаде каде што се непотребни. Групата веќе доставила до вицепремиеерот за борба со корупција и криминал Љупчо Николовски неколку предлог-измени на соодветни закони.
СЛОБОДНА ЗОНА
„Секој почетник во сферата на односите со јавност ќе ви каже дека, до сега, г. Антонио Милошоски требаше барем три пати да излезе и јавно да ги демантира тврдењата, шпекулациите и алузиите, кои непрестано се повторуваат во Македонија и во Бугарија, дека поседува бугарски пасош. Тоа е неопходно не само затоа што претседава со Комисијата за надворешна политика во Собранието, а е член и на Комисијата за европски прашања, туку и бидејќи е еден од најгласните критичари на политиката на Македонската влада во однос на бугарското евро-интеграциско вето за нас“, пишува Сашо Орданоски во колумната „Антонио Милошоски е на потег“.
„Пред една година во ова време завршуваше уште една турболентна година на политичката сцена во Македонија, како што впрочем беа и изминатите неколку пред нив, но Македонија стана членка на НАТО и со право и сосема заслужено очекуваше да добие датум за почеток на преговорите со ЕУ како вовед во 2020 година како година која по најавите на владата и на премиерот требаше да биде посветена на економските политики кои ќе овозможат забрзан економски раст“, пишува Перо Наумовски во колумната „Уште една изгубена економска година, како понатаму?“.
