Тема на минатата недела, за која ќе зборуваме во оваа издание на ЦИВИЛ 7, беа хибридните закани. ЦИВИЛ организираше панел дискусија разобличувајќи ги дезинформациите и говорот на омразата и нивното влијание за безбедноста и стабилноста на државата, како и за придонесот на институциите, но и на граѓанските организации и медиумите да се вклучат во заштитата од злонамерните дезинформации и хибридните закани. Oна со кое треба да располагаат сите чинтели се фактите одговорноста и решителноста.
Заклучокот од панелот, како што пишува и Џабир Дерала во еден од едиторијалите посветен на оваа тема „Црната пропаганда е таму каде што заслужува, во калливите ровови и темните подруми“ е дека нас треба да нè определуваат точните информации и вести за тоа што претставува секој од нас, што е суштината на настаните и процесите, што сме ние, а не што претставува нашиот одговор против црната пропаганда.
Хибридните закани, сајбер нападите, борбата против дезинформациите и лажните вести, не се новитет на нашето поднебје. Затоа во оваа издание на ЦИВИЛ 7 потсетивме и на нивното влијание и колку членството во НАТО придонесува кон поуспешно справување со хибридната војна.
Нови перспективи се очекуваат и од долгоочекуваните преговори за членство во ЕУ. Спорот со Бугарија мора да се реши, а минатонеделната дипломатска офанзива пред самитот на ЕУ што ќе се одржи на 22 јуни, само ја засили желбата што поскоро да се навлезе во преговарачките рамки. Посетата на премиерот Зоран Заев, на Самитот на Западен Балкан што се одржа во Австрија и средбата со австрискиот канцелар Себастијан Курц, беше можност да се упати пораката дека иднината на Западен Балкан е во ЕУ, како што иднината на Европа е со Западен Балкан. А тоа е возможно и со приклучување на Северна Македонија кон европското семејство.
За крај одѕивот на Извршната одредба на американскиот претседател Џо Бајден не стивна ниту минатата недела. Но уште поважна беше неговата средба со премиерот Зоран Заев, на маргините на Самитот со НАТО, како и она што ќе следува по неговата средба со рускиот претседател Владимир Путин. На крајот, поставеноста и односите меѓу САД и Русија, дополнително влијаат и на балканските политики, руското влијание, конкретно во нашата земја, како и безбедноста во контекст на хибридните закани, дезинформациите и лажните вести, на македонско тло.
Биљана Јордановска
камера: Атанас Петровски
монтажа: Ариан Мехмети
