Г-н Владимир Ѓорѓевски е раководител на локалната канцеларија на подружницата на RYCO во Северна Македонија. Раководел со различни проекти поддржани од Млади во акција, Еразмус+, Фондација Песталоци, УНДП, УНЕП, УСАИД, итн. Рботел на теми како што се млади и младински работници, (социјално) претприемништво, трансформација на конфликти, спротивставување на говорот на омраза, миграција итн.
Живееме во 21. век кога информациите се движат многу брзо, а информацијата е моќ. Но, многу лесно се манипулира со информациите и луѓето манипулираат со тие информации, вели Владимир Ѓорѓески на Регионалната конференција „Напади врз демократијата и човековите права“, што се одржа на 28 јули во Скопје.
„Затоа јас лично верувам дека ни требаат повеќе регулативи, државно регулирање, но можеби и регионална и европска регулатива, бидејќи можеме да видиме што прават политичарите ако ги анализираме Унгарија, Турција… и тука што се случуваше претходно со тоа колку новинари завршија по затвори и многу луѓе затоа што зборуваа против некои политичари или беа навистина факти. Но, во денешно време, исто така, треба да гледаме новинари во медиумите, медиумските платформи. Исто така, мора да анализираме, луѓето треба да бидат генерално покритични, да ја анализираат структурата, кој ги поседува тие медиуми, зошто ги имаат овие медиуми, дали навистина заработуваат од медиумите или имаат неколку компании зад себе, па зошто го кажуваат тоа што го велат? И генерално, во поделените општества на Западен Балкан, медиумите влијаат многу, за жал, повеќе врз поделбата на луѓето отколку врз обединувањето на луѓето.
И ние треба да ги научиме, особено почнувајќи во младоста, луѓето да размислуваат аналитички и критички, да видиме што сакаат да кажат медиумите меѓу редови. Имаме многу случаи, за жал, не е само Мерсиха, повеќето од нас беа по медиумите, се обидуаа да нѐ напаѓаат со лажни вести или лаги. Во таа смисла, RYCO започна да работи на оваа тема. Имавме повеќе од 50 приказни создадени од млади новинари, од нивната реалност. Имавме, на пример, студенти кои пишуваа за тоа како е животот во студентските домови или како КОВИД влијае на онлајн образованието, како им оди, но генерално, ни требаат сѐ и повеќе приказни што нѐ обединуваат во медиумите отколку такви што нѐ разединуваат. И тука е особено моќта не само на формалното образование, туку и на неформалното образование. Мораме навистина да се фокусираме таму бидејќи RYCO дава некои проекти за медиумско образование.“, посочува Ѓоргиевски.
Ѓоргиески се осврна на недостатокот од едукативни медиумски содржини, како и на влијанието на одредени социјални медиуми, политичари и други групи.
„ Има една обука која се занимава со тоа, но тоа е само почеток, ни требаат повеќе средства, ни треба повеќе фокус. И ако ги погледнеме нашите медиуми, ако погледнете колку филмски серии имаме… Се сеќавам кога бев тинејџер, токму филмовите навистина нѐ образуваа, имаше повеќе поучни приказни отколку сега. Сега ги имаме наративите и тие создаваат поголеми наративи на коишто треба да се фокусираме повеќе. И треба да работиме со неколку групи, како спортски навивачи, верски водачи, влијателни на социјалните медиуми, политички лидери, за да ги едуцираме како правилно да ги користат медиумите, затоа што ако не го сториме тоа, ако ги користиме само за да манипулираме едни со други, тогаш само ќе си останеме на истото место или ќе се вратиме назад и ќе имаме се поголема миграција на младите.“, порача Ѓорѓиевски.
Камера: Дехран Муратов
Монтажа: Ариан Мехмети
Фотографија: Огнен Бошњаковски
