Мерките кои ги воведе Владата за спречување на ширењето на КОВИД-19 важат за сите организирани настани, семинари, конференциии, посета на угостителски објекти и на затворено, за што постојат протоколи и на отворено, за што ги задолживме да направат редарски служби. Нема одлука за институциите. Апелирам до раководителите на сите институции и државни и приватни да ги мотивираат своите вработени, посебно тие кои работат со голем број луѓе, да се вакцинираат – истакна министерот за здравство, Венко Филипче, кој додаде дека за организирање состаноци, конференции, семинари и работилници и за влез во такви објекти во затворено ќе биде неопходен сертификат за вакцинација.
Многу веројатно е дека овој механизам, рече Филипче, ќе бара координација и ќе отвори многу предизвици и прашања и затоа ќе се координираат институциите кои треба сето тоа да го конторлираат.
Како што истакна тој, и досега во ингеренциите на инспекторатите се контролите за почитувањето на протоколите и за тоа колкав капацитет е пополнет од една просторија. Во текот на оваа седмица, како што кажа, ќе се направат координации за секој да си ги знае своите ингеренции. Задолжени се сите институции, каде се организираат настани, да имаат редарска служба која ќе ги бара сертификатите но со контролата и преку инспекторатот. Тој истакна и дека имале стручна дискусија и дека ставот е дека прележана болест, антитела, односно имунитет од прележана болест не штити доволно, не создава доволно имунитет како што создава вакцината.
Тој посочи дека навремено се предлагаат мерките и дека најавувале повеќе месеци наназад дека истите ќе ги воведат, а ги вовеле во момент кога за тоа е соодветно.
“Во таа смисла се и координативните состаноци за подготовка на здравствениот систем, сите овие механизми со ротација на кадар, обезбедување распоред на здравствени установи кои би примале пациенти итн. Ние не мжеме да предвидиме дали овој раст ќе продолжи или ќе запре. Се надеваме дека ќе запре поради тоа што сепак имаме одредена бројка на вакцинирано население, околу 500 000 граѓани кои се вакцинирани и следниве недели ќе бидат ревакцинирани. Сметаме дека тоа може да го успори растот. Раст има и во другите земји, меѓутоа мора да ги преземеме овие мерки сега и тие се навремено преземени. Мислам дека ова ќе даде добри резултати, со цел другите процеси кои треба да почнат од есенските месеци, на пример училиштата, да почнат како што посакуваме”, изјави Филипче.
“Податоците од анкетите”, нагласи дека “покажуваат дека имаме проблем таму каде мерките не се почитуваат и за тие затворени простории имаме соодветни протоколи кои очигледно не се почитувале и затоа ваков проблем”. Посочи дека луѓето планирале одредени настани и сметаат дека една недела, до 16 август, е разумен период ако треба да ги поместат, да ги одложат малку за да имаат време да се организираат.
Во врска со опфатот со вакцинацијата на наставниците,Филипче истакна дека засега е околу 60 проценти.
“Имаме секојдневна комуникација со Министерството за образование и наука кое често ги комуницира директорите на училиштатата за тие да ги мобилизираат своите вработени. Ќе видиме каков ќе биде одговорот до крајот на оваа недела. Ако продолжи со оваа динамика верувам дека висок процент на вработените и во МОН во делот на училиштата и во градинките ќе бидат опфатени со вакцинацијата. Во двата сектори сега е околу 60 проценти”, изјави додаде Филипче.
