Украинската амбасадорка во Северна Македонија, Н.Е. Наталија Задорожњук, во потресното обраќање до мадедонската јавност повика за поддршка за украинскиот народ во нивната борба за зачувување на слободата на државата:
-Сега, обичните украински војници, кои би сакале да бидат со своите семејства, деца, да одат на работа, да ги носат децата во градинки и училишта, ја бранат својата држава и ги бранат општо-човечките вредности, слобода и право на избор.
Целиот свет е во шок од руското лудило. Рускиот режим е признаен како најголема закана за безбедноста. Русија ја има една од најголемите армији во светот, а Украина – најдобрата. Никој толку жестоко и посветено нема да војува како оние кои ја заштитуваат својата земја.
Еден од нашите војници се разнесе самиот себеси на мостот на кој што стоеше, само за да нема можност непријателот да помине. Сите бранители на украинскиот остров Змијиниј, загинаа, но не се предадоа, и покрај заканите на руските Вооружени сили. Нашите војници не се предаваат.
Но нам ни е потребна помош. Реална помош – со оружје, економска, финансиска.
Ова лудило треба да се запре. Тие ги бомбардираат мирните украински градови и села. Веќе втор ден го бомбардираат Кијив.
Тие ја освоија нуклеарната централа Чернобил. Поради употреба на тешка воена техника од страна на Руската Федерација, во Чернобил значително се зголеми нивото на радијација.
Режимот изјави дека ќе ја освои Украина за 6 часа. Тие 6 часа одамна поминаа. Ние се држиме. Но тешко е сами да опстоиме против оваа монголо – татарска орда.
Секој треба да ѝ помогне на Украина, како што може.
Денес, украинците во Северна Македонија, заедно со обичните македонски граѓани кои не се рамнодушни кон оваа ситуација, ќе одржат мирна акција во 14:30 часот на плоштадот во центарот на Скопје пред споменикот Воин на коњ, во знак на поддршка на украинскиот народ во услови на воена инвазија од страна на Руската Федерација. Заедно со Вас, кои ќе се приклучите до оваа акција, тие ќе му пратат јасна порака на рускиот режим дека целиот свет е со Украина.
Слава на Украина!
