Руските воени заробеници ќе станат фонд за размена, бидејќи Русите имаат украински затвореници, изјави советникот на шефот на Министерството за внатрешни работи Антон Герашченко, пренесува Униан.нет.
Русите официјално не го решаваат прашањето за враќањето на нивните заробени воени лица, како и телата на убиените, соопшти советникот на министерот за внатрешни работи Антон Герашченко.
Тој истакна дека Русите сè уште официјално не поднеле барање за ниту еден заробеник и не побарале некого да се врати.
„Ова е прашање и за фашистичката клика на Владимир Путин, дека тие не сакаат да го прават ова, иако имаме многу заробеници. Тие не се занимаваат со телата на нивните војници, кои сега се расфрлани низ северна и јужна Украина“ – рече Герашченко и потсети дека војската во секое време морала да направи се за да се врати телото на убиениот другар на неговата мајка.
Според советникот на министерот, мора да се разбере дека има и украински војници во заробеништво кај руските окупатори. Воените заробеници отсекогаш биле користени за размена, така што на Украина и требаат заробени Руси како фонд за размена.
Герашченко верува дека заробените Руси, кои вчера зборуваа на брифинг со новинарите во СБУ, искрено се извинија, бидејќи „не сакаа да се борат со Украина, за сите нив тоа беше „изненадување“ – сите се построија на 23 февруари и им било кажано – утре ќе одиме во војна во Украина“.
„Значи, тоа им било речено на офицери, а никој ништо не им кажал на регрутите – едноставно се вклучи алармот, ги ставија во оклопни возила и тие се возеа во оклопни возила мислејќи дека тоа се вежби. Путин измами стотици илјади од неговата војска, тој го измами целиот свој народ“, рече Герашченко и нагласи дека украинската војска ќе ги уништи окупаторите, а кој меѓу нив не сака да умре мора да се предаде.
Тој исто така додаде дека заробените Руси од страна на СБУ се осомничени за кршење на границите на Украина и инвазија на нашата земја, па затоа тие се лица кои мора да одговараат според Кривичниот законик на Украина и за сите нив важи превентивна мерка во форма на притвор.
Понатаму, украинскиот суд ќе одлучи за судбината на секој од нив, „или ќе има воено-политички одлуки за размена на овие затвореници за нашите момци кои се заробени од Русите“.
Советникот на министерот за внатрешни работи Вадим Денисенко изјави дека војната меѓу Украина и Руската Федерација е прва во историјата на човештвото кога армијата на една од страните одбива да ги земе своите мртви.
превод: Жорж Димовски
