Во палатата Долмабахче во Истанбул започнаа мировните преговори меѓу руската и украинската делегација, објави на Твитер Државна служба за специјални комуникации и заштита на информации на Украина.
29 март 2022 година, преговори меѓу Украина и Русија во Истанбул. Украина ќе инсистира на меѓународни безбедносни гаранции за Украина.
Мирот во Украина е главната цел, напиша на Твитер украинската Државна служба за специјални комуникации и заштита на информации.
March 29, 2022, negotiations between Ukraine and russia in Istanbul.
Ukraine will insist on international security guarantees for Ukraine.
Peace in Ukraine is the main goal. #Ukraine #WARINUKRAINE pic.twitter.com/YCNi4Vh5KG— SSSCIP Ukraine (@dsszzi) March 29, 2022
Михајло Подољак, член на украинската делегација објави нова фотографија од преговорите во Истанбул.
– Круг на шефови на делегации. Давид Арахами и Владимир Медински. За основните одредби од преговарачкиот процес. Делегациите работат паралелно на целиот спектар на спорни прашања – напиша тој во описот на фотографијата
Round of heads of delegations. David Arakhamia and Vladimir Medinsky. On the fundamental provisions of the negotiation process. Delegations are working in parallel on the entire spectrum of contentious issues. pic.twitter.com/JsSZv7X9ZA
— Михайло Подоляк (@Podolyak_M) March 29, 2022
Напредокот во преговорите меѓу руската и украинската страна, кои почнаа денеска во Истанбул, ќе го отвори патот за средба меѓу двајцата претседатели на тие земји, изјави турскиот претседател Реџеп Тајип Ердоган.
Во своето обраќање пред преговарачите во Истанбул, Ердоган истакна дека е дојдено време разговорите да дадат конкретни резултати и повика на итен прекин на огнот.
Rusya – Ukrayna Müzakere Heyetleri Toplantısı https://t.co/9YJ222RWlw
— Recep Tayyip Erdoğan (@RTErdogan) March 29, 2022
Тој нагласи дека одговорност на страните е „да ја запрат оваа трагедија“, дека „нема да има губитници во постигнувањето праведен мир“ и дека „продолжувањето на конфликтот никому не му користи“.
Турскиот претседател изјави дека неговата земја уште од самиот почеток зазела „правичен став“ за конфликтот во Украина на сите нивоа и дека преговарачкиот процес што започнал ги зголемил надежите за мир.
Ердоган, исто така, изрази надеж дека средбите ќе бидат корисни за земјите и регионот, а особено нагласи дека украинскиот претседател Володимир Зеленски и рускиот претседател Владимир Путин се драгоцени пријатели на Анкара.
Според Би-Би-Си, на мировните преговори во Истанбул присуствува и рускиот олигарх Роман Абрамович, кој беше санкциониран од Западот поради инвазијата на Москва врз Украина.
На снимките што ги објавија турските медиуми, Абрамович не се наоѓа на главната маса за преговори, но се гледа како седи покрај Ибрахим Калин, портпаролот на турскиот претседател Реџеп Тајип Ердоган, и носи слушалки за превод.
Медиумите наведуваат дека Абрамович накратко разговарал со Ердоган пред почетокот на преговорите во Истанбул. Во разговорот учествувал и турскиот министер за надворешни работи Мевлут Чавушоглу.
Д.Мишев
