ВЕСТ НА ДЕНОТ
Бугарската министерка за надворешни работи Теодора Генчовска најави оставка
Бугарската министерка за надворешни работи Теодора Генчовска денеска најави дека ќе поднесе оставка, поради тоа што дознала дека премиерот Кирил Петков водел разговори со европски дипломати за тргање на ветото за Северна Македонија. Генчовска за БТВ изјави дека во текот на денот ќе ја депонира нејзината оставка до Собранието, поради што не знае дали таа ќе присустува на престојната средба со германскиот премиерт Олаф Шолц, кој в сабота доаѓа во посета на Скопје и Софија.
ИЗЈАВА НА ДЕНОТ
Вархеји, оцени дека се уште нема решение за спорот и оти тоа е многу фрустрирачко за ЕУ, бидејќи не може да продолжи пристапниот процес.
– Сè уште ја чекам поддршката од Бугарија и на тоа работиме со сите овие разговори што ги водев овде во Софија, а редовно и во Скопје, конечно да се разјасни и зајакне европската перспектива за Република Северна Македонија,
ВОЈНА ВО УКРАИНА
Во насока на Северодонецк, руските трупи стрелаа со минофрлачи, артилерија и повеќе ракетни системи врз Вооружените сили на Украина. Непријателот продолжува да прави залудни обиди да најде слаби точки во одбраната на Северодонецк, се наведува во извештајот на Генералштабот на вооружените сили на Украина објавен на Фејсбук.
Европскиот парламент усвои резолуција со која се препорачува Европската унија да и додели на Украина статус на земја кандидат за членство во ЕУ. За резолуцијата гласаа околу 438 европратеници, од кои 65 гласаа против, а 94 беа воздржани.
Десетици земји може да се соочат со физички недостиг на храна, а милиони луѓе може да гладуваат доколку продолжи руската блокада на украинските пристаништа на Црното Море, изјави украинскиот претседател Володимир Зеленски во неговиот говор за време на TIME100 Гала, јавува дописникот на Укринформ.
„Руската флота – не британската или која било друга – ги блокираше пристаништата на Украина во Црното Море, така што светот е на работ на ужасна криза со храна. И тоа не е само ценовна криза. Не можеме да ги извезуваме нашите пченица, пченка, растително масло и други производи кои одиграа стабилизирачка улога на светскиот пазар. Тоа значи дека, за жал, десетици земји може да се соочат со физички недостиг на храна. Милиони луѓе може да гладуваат ако руската блокада на Црното Море продолжи“, рече Зеленски.
Битката за Сиевиродонецк е една од најтешките од почетокот на целосната руска инвазија на Украина, а таму се решава судбината на Донбас, изјави украинскиот претседател Володимир Зеленски во синоќешното видео обраќање.
ФЛЕШ ВЕСТИ
ЕКОНОМИЈА Стапката на раст на бруто-домашниот производ (БДП) во првото тримесечје од 2022 година е 2,4 отсто, соопшти Државниот завод за статистика. Во првото тримесечје од 2022, пораст е забележан во повеќе сектори.
АНТИКОРУПЦИЈА Државната комисија за спречување на корупција утврдила неколку слабости при спроведувањето на постапката за јавна набавка на возила преку изнајмување по пат на оперативен лизинг на јавните институции.
ИНТЕГРАЦИИ Лидерите на државите и владите на земјите членки во Процесот за соработка во Југоисточна Европа, меѓу кои и премиерот Димитар Ковачевски, утре ќе учествуваат на Самитот во Солун што го организира Грција со што завршува грчкото претседателство со ПСЈИЕ.
ИНОВАЦИИ Фондот за иновации и технолошки развој – ФИТР, денеска го објави јавниот повик „Стартапувај 4”, со кој вкупно два милиони евра неповратни финансиски средства се ставаат на располагање за поддршка на македонскиот стартап еко систем.
КОМИСИСКА РАСПРАВА Поради отсуство на пратениците од власта, Постојаната анкетна комисија за заштита на слободите и правата на граѓанинот денеска немаше кворум за расправа. На дневен ред на седницата се Информацијата за автобуската несреќа на превозната компанија „Беса Транс“ што се случи во Бугарија и Информацијата за состојбите и преземените активности во врска со расчистување на случајот со пожарот во модуларната болница во Тетово.
ТРУД И СОЦИЈАЛА Во рамките на Меѓународната конференција на трудот, што се одржува во Женева, Швајцарија, министерката за труд и социјална политика, Јованка Тренчевска оствари средба со Регионалниот директор на МОТ за Европа и Азија во Женева, г-дин Хајнц Колер. Тема на средбата беа активностите и проектите коишто се спроведуваат во Република Северна Македонија, во делот на техничка помош и поддршка од Меѓународната организација на трудот.
РАЗВОЈ Забрзан економски раст, заштита на животната средина на ниво на европскиот просек и редефинирана енергетска политика, забрзување на дигиталната трансформација и промовирање на дигитална економија и образованието, младите и инклузивниот развој, се четирите приоритети на Рамката за развој МКД 2030 којашто денеска беше промовирана од претседателот Стево Пендаровски.
КУЛТУРА Украинскиот детски филм „Бобот“во режија на Макс Ксјонда, ќе биде последниот наслов од програмата „Џифони филмски денови“, што ќе заврши в сабота (11 јуни) во 10 часот во Кинотеката.
ИЗЈАВИ
Дерала: Воените фронтови се поблиску отколку што мислиме – тие се на нашите дланки
„Освен што вие ги гледате страотните разорувања и убиства на цивили, меѓусебно уништување на воените ресурси, пред сè на луѓето тоа е најтрагичниот губиток имате паралелна војна која се одвива на дланките на секој човек кој држи во раце телефонски уред. Во комбинација со комуникациските технологии и со интернетот тоа може да биде убиствена алатка“, изјави претседателот на ЦИВИЛ, Џабир Дерала, во своето обраќање на втората Конференција на Асоцијацијата „Центар за анти-тероризам и мир “Гардијан” од Куманово.
Гоцевски: Економијата станува една од најопасните алатки во кризни состојби
„На безбедносен план во Европа, па и во светот пошироко, се случува нешто што никој не го очекуваше, војна на тлото на Европа. Она што е загрижувачки што по кубанската криза, денеска за првпат се спомнува опасност од нуклеарно оружје како можност, што е едно од најсериозните закани по светскиот мир и безбедност“, изјави проф. Трајан Гоцевски, поранешен министер за одбрана на Македонија на Конференцијата на Асоцијација „ Центар за анти-тероризам и мир “Гардијан” од Куманово.
Д.Мишев
