ЦИВИЛ ја продолжува серијата настани „Зад димната завеса: Со референдумот, или на него“.
Учесници на панелот се новинарот и колумнист, Ерол Ризаов, и колумнистката Никица Корубин, а разговараат за иницијативата на ВМРО -ДПМНЕ за Референдум за поништување на Договорот за пријателство, добрососедство и соработка меѓу Република Македонија и Република Бугарија, која вчера беше одбиена од Собранието на Република Северна Македонија. Панелот го води Џабир Дерала, ЦИВИЛ.
-Референдумите и занимавањето со анти-европска реторика, во основа е само продолжение или реакција на отпочнувањето на преговорите. Или со други зборови – се она што не успеа да се спречи околу официјалниот старт на преговорите, сега го имаме во форма на референдуми, каде што ВМРО-ДПМНЕ се обиде да го замаскира во истиот стил и начин, не само со протеститите, туку и со сетата реторика година наназад, задскривајќи се „зад одбранатата на идентитетот“, вели Корубин.
-За жал овие години видовме дека некој глуми дека е за ЕУ, а во суштина излезе дека не се. Референдумите практично го трошат нашето време и ништо повеќе, додава Корубин.
-Факт е дека после локалните избори ВМРО-ДПМНЕ сака да ја оддржи тензијата на таа победа, изедначувајќи ја со парламентарни, па дури и со претседателски избори. Но според мене има една сериозна, па дури би рекол и една опасна работа – што овој Референдум, иако тоа јавно не се кажува, е насочен на еднонационална основа, а тоа е Македонците да гласаат. И на нив не им е многу важно дали тоа ќе успее. Тие знаат дека тој Референдум нема да успее. Важно е да имаат околу 500.000-600.000 гласови, вели Ризаов, кој додава дека таквиот еднонационален референдум е сериозен подривачки факт во државата кој може да направи големи штети, бидејќи се смета дека потоа по изборите пак со референдумот ќе се оддржува тензија и дека ќе се добијат 400.000 до 500.000 гласови (главно во ВМРО-ДПМНЕ) што за нив би било голема победа.
-Мислам дека зад „домашната математика“ не треба да се игра, бидејќи тие што викаат дека тоа е криење зад народот, во овој случај криење зад Македонците, би навело голема штета, вели Ризаов.
-Во една прилика имам кажано – што би било Бугарите да направат референдум? Таму преку 80% би биле да не добиеме право на преговори.
Швајцарија е земја на референдумите. До 1970 година, Швајцарците со референдум не и дааваа право на глас на жената. Значи која е таа бесмислица кога Отоманската империја дозволува да гласааат жените, а во една од најнапредните демкоратски земји тоа се оправдуваше со референдум.
-Сакам да кажам, дека референдумите главно се насочени кон комунални, еколошки проблеми. Затоа сметам дека треба да се има однос – политички, демократски, пред се кон сопствената јавност, да се прифатат овие тешки компромиси кои ги прави Македонија, бидејќи се покажа дека во текот на целиот изминат период, се потешки и потешки се условите кои доаѓаат. Значи не се намалува ова што ние го одлужуваме, вели Ризаов.
Настанот се пренесува во живо на онлајн каналите на ЦИВИЛ, Фејсбук и Јутуб.
