ВЕСТ НА ДЕНОТ
Предметот „Латас“ доставен во ОЈО
Секторот за компјутерски криминал при МВР до Основното јавно обвинителство – Скопје достави известување за настанот за кој говори Драган Павловиќ-Латас во интервју на јутуберот Стефан Лазаров, емитувано на 15 февруари
Бајден: Една година подоцна, Кијив опстои, Украина опстои, и демократијата опстои
Американскиот претседател вели дека „сликовито се сеќава“ на почетокот на војната, кој ќе биде одбележан во петок, кога украинскиот лидер Володимир Зеленски пријавил експлозии во Кијив. – Една година подоцна, Кијив опстои, Украина опстои, и демократијата опстои. Американците стојат со вас, и светот е со вас, потенцираше Бајден.
ВОЈНА ВО УКРАИНА
Зеленски: Со Бајден разговаравме за обезбедување оружје за Украина со голем дострел
AL-PRESS
Редакциски избор од албански медиуми Во Албанија учебната недела започна со националната химна, насилството врз медиумските работници голем предизвик, 32 години од уривањето на бистата на Енвер Хоџа
Во училиштата во Албанија учениците ја започнаа неделата со пеење на националната химна, како што беше најавено пред извесно време, а како еден од најголемите предизвици во државата. Според Џејми Вајсмен од Меѓународниот институт за печат, загрижувачки е бројот на случаи на полициско насилство врз медиумски работници. Ова е само дел од денешниот избор на редакцијата на ЦИВИЛ Медиа од содржините од албанските медиуми во регионот.
ФЛЕШ ВЕСТИ
ЕКОНОМИЈА
РКЕ со анализи за враќање на евтината струја од 1 јуни
Регулаторната комисија за енергетика (РКЕ) сама го носи тарифниот систем и сега се прават анализи дали е возможно од економска гледна точка да се врати евтината струја во текот на денот, вели Марко Бислимоски, претседател на РКЕ.
ЗЕМЈОТРЕС
Потрагата по преживеани во Туркије заврши, Лекари без граници пристигнаа во Сирија
Бројот на жртвите во двата разорни земјотреси што ги погодија Туркије и Сирија на 6 февруари во Туркије се зголеми на 41.020 лица, објави државната Агенција за управување со катастрофи (АФАД). По тие два земјотреси следеа повеќе од 6.210 последователни потреси, јавува Анадолија. Потрагата и спасувањето е завршено, освен во провинциите Кахраманмарас и Хатај, изјави Јунус Сезер, шеф на АФАД. Речиси 47.000 луѓе загинаа во Туркије и Сирија.
ЗДРАВСТВО
МАЛМЕД издаде одобрение за увоз на лекот „Трикафта“
Агенцијата за лекови МАЛМЕД претпладнево издаде одобрение за увоз на лекот „Трикафта“ наменет за пациентите со цистична фиброза, потврди на МАЛМЕД, Љирим Шабани.
-До овој момент „Мој термин” ги има преземено податоците заклучно со денешен датум, 20 февруари 2023. Сите платени придонеси од сите обврзници се евидентирани во Мој Термин. Ова значи дека сите здравствени работници и аптеки имаат можност да го проверат статусот на осигурување во Мој Термин, соопштија денеска од ФЗОРСМ.
СЛОБОДНА ЗОНА
Дерала: Наспроти сето неизмерно зло со кое се соочува, Украина живее!
„Хероизмот на Украина се гледа на секој чекор. Но тој хероизам и пожртвуваност не се наоѓаат само на фронтовите. Наспроти сето неизмерно зло со кое се соочува, Украина живее! Државата функционира. Во незамисливо тешки услови, се вршат секојдневни поправки, транспорт, снабдување, комуникации – за да се обезбедат основни услови за живот. Оттаму, денешниот настан, претставува уште еден доказ за нескршливиот дух на Украина, за тоа дека Државата живее и дека ќе биде силна, дека ќе се развива и ќе биде гордост на своите граѓанки и граѓани и на сите слободољубиви луѓе во светот“, изјави Џабир Дерала по повод отворањето на почесниот конзулат на Украина во Прилеп.
Подготви: Д. Варошлија
