Турција доцна попладнево беше погодена од земјотрес со интензитет од 6,4 степени според Рихтерова скала. Епицентарот на земјотресот бил на 14 километри југозападно од Антакија, на длабочина од 10 километри, пренесува ЕМСЦ, додавајќи дека потресот бил почувствуван во Турција, Либан, Сирија, Кипар и Израел, јави Гардијан.
?#Earthquake (#deprem) M3.6 occurred 26 km SW of #Antioch (#Turkey) 21 min ago (local time 20:07:35). More info at:
?https://t.co/LBaVNedgF9
?https://t.co/PgED2FCAty
?https://t.co/zWDQmF0JTP pic.twitter.com/st1EV2ysDU— EMSC (@LastQuake) February 20, 2023
Турската агенција за управување со катастрофи и вонредни состојби (АФАД) соопшти дека во 20:04 часот по локално време се случил земјотрес со јачина од 6,4 степени, чиј епицентар бил во областа Дефне во Хатај. Оттаму додаваат дека во 20:07 часот се случил уште еден земјотрес, со јачина од 5,8 степени, чиј епицентар се наоѓал во областа Самандаг во Хатај.
Турскиот министер за внатрешни работи Сулејман Сојлу изјави дека три лица загинале, а повеќе од 200 други се повредени.
#DEPREM
BUYUKCAT-SAMANDAG (HATAY) https://t.co/lhFLFogCQi
20.02.2023, 20:04:27 TSİ
Büyüklük: 6.4
Derinlik: 7.7 km#Kandilli— Kandilli Rasathanesi (@Kandilli_info) February 20, 2023
Не влегувајте во оштетените згради во постземјотресното подрачје. Не се задржувајте во близина на ризични згради. Следете ги официјалните извори за точни информации, предупредија властите.
Турскиот потпретседател Фуат Октај изјави дека најмалку осум лица се повредени, додека државната болница во градот Искендерун во провинцијата Хатај соопшти дека ги евакуира пациентите.
Некои згради се уништени, а има и заробени под урнатините, рече градоначалникот на Хатај, Љутфу Саваш.
„Беше страшно, нема да останат многу цели згради во Хатај“, е едно од сведоштвата на веб-страницата на ЕМСЦ. Корисниците на Твитер објавуваат снимки од моментот на потресот од 5,8 степени според Рихтер. На едната се гледа уривањето на зградата. Групата за цивилна одбрана „Бели шлемови“ во Сирија соопшти дека неколку лица се повредени при уривањето на зградите.
? Terrifying visuals: the moment as the recent earthquake hit Turkey’s Hatay.
Tsunami warning issued for the coastal regions of Syria and Turkey after Turkey-Syria earthquake tonight.#PrayForTurkey pic.twitter.com/MX8uyttOMd
— KALYJAY JNR. (@kalyjay37) February 20, 2023
BREAKING: Footage show buildings collapsing after new earthquake hits Hatay, Turkey#Deprem #earthquake #BreakingNews #Syria #Turkey pic.twitter.com/PFrtEw62kL
— NEWS ALL TIME (@NEWS_ALL_TIME) February 20, 2023
#BREAKING: TSUNAMI ALERT
Following the #earthquake (#deprem) M6.4 occurred 14 km SW of #Antioch (#Turkey) 20 min ago (local time 20:04:29). Move away from the coast and reach a higher place. #earthquake #TurkeyEarthquake #Hatay pic.twitter.com/pX0gllmbQV— JUST IN | World (@justinbroadcast) February 20, 2023
Hatay#Turkey ?? #Deprem pic.twitter.com/OVxzaRSnnp
— Aleph א (@no_itsmyturn) February 20, 2023
Лежев на подот и додека лежев имаше уште еден земјотрес. Слушнавме нешто што звучеше како уште згради повторно да се уриваат, изјави Ата Кошар од Хатај.
Муна ал Омар, жителка на Антакија, рече дека била во шатор во паркот кога се случил земјотресот.
Мислев дека земјата ќе пукне под моите нозе“, раскажува таа, плачејќи додека го држеше во раце својот седумгодишен син. „Дали ќе има уште еден последователен потрес?, праша таа.
Според новинар на АФП, земјотресот предизвикал паника меѓу жителите кои веќе претрпеле големи маки во првиот земјотрес и подигнал големи облаци од прашина во разурнатиот град. Новинарот слушнал како ѕидовите на оштетените згради се уриваат и некои повредени лица повикуваат на помош.
Новинарката на Си-Ен-Ен Турк, Бусе Девирен со солзи го опиша земјотресот. „Земјата ни се лизгаше од под нозете. Се тресевме неверојатно. Беше неверојатно силен земјотрес. Не беше како последователни потреси“, рече таа.
Речиси 41.000 луѓе загинаа во разорниот земјотрес од 7,8 степени според Рихтер од пред две недели во Турција, објави пред неколку дена Управата за катастрофи и вонредни состојби. Потрагата и спасувањето во деветте провинции погодени од земјотресот заврши, изјави директорот на АФАД Јунус Сезер. „Тие продолжуваат во провинциите Кахраманмарас и Хатај, на околу четириесет згради“, изјави Сезер за новинарите.
Повеќе од 1,2 милиони луѓе се евакуирани од југоисточна Турција, погодена од најсмртоносната катастрофа во поновата историја на земјата. Повеќе од еден милион луѓе се наоѓаат во засолништа во овие провинции, рече Сезер, пренесува агенцијата АФП.
Во земјотресот со интензитет од 7,8 степени според Рихтеровата скала, кој го опустоши југот на Турција и Сирија, според последните информации на АФАД, во Турција загинале 40.689 лица. Турскиот заменик-претседател Фуат Октај изјави дека 105.000 згради се урнале или се сериозно оштетени и ќе бидат урнати.
Г.Т.
