Претставници на ЦИВИЛ – Центар за Слобода денеска се сретнаа со националниот координатор за мултикултурализам, едно општество и развој на културата, Роберт Алаѓозовски, по повод започнувањето на новиот проект на ЦИВИЛ „Заедно за подобра иднина“, кој организацијата го спроведува во соработка со Министерството за надворешни работи на Големото Војводство Луксембург.
На средбата се разговараше за текот имплементацијата на новата владина стратегија за мултикултурализам, како и за продолжение на соработката и придонесот на организацијата во промовирање на мултикултурализмот во земјата и деконструкција на националистичките наративи, се разменија искуства и информации за досегашната работа на стратегијата, и работата и активизмот на ЦИВИЛ во сферата на мултикултурализмот.
По средбата, екипата на ЦИВИЛ направи интервју со г. Алаѓозовски, на кое тој одговори на неколку прашања во врска со новата стратегија за мултикултурализам.
Д. Тахири
