Додека медиумите во Москва трубат за „остварена мисијата“, откако шефот на платеничата група Вагнер, Евгениј Пригожин прогласи победа во источниот украински град Бахмут, Украина инсистира на тоа дека градот не е целосно паднат.
Бахмут е во урнатини и неговото контролирање нема да ѝ помогне на Москва во остварување на нејзината поголема цел – освојување на целиот источен регион Донбас, особено сега кога украинските трупи ги истрошија руските сили и ја пробија нивната одбрана во некои области на север и на југ од градот, пренесува Њу Јорк Тајмс.
Украинските власти велат дека сега планираат да ја користат артилеријата врз руските сили кои го окупираа Бахмут. Воените аналитичари велат дека ако Москва продолжи да испраќа засилувања за да го брани градот, тоа може да ја ослабне способноста на руските сили да ја спречат пошироката контраофанзива за која Украина вели дека ќе започне, објави во својот последен извештај Институтот за проучување на војната (ISW) со седиште во Вашингтон.
Според извештајот, платениците на групата Вагнер најверојатно ги контролираат западните административни граници на градот Бахмут додека украинските сили продолжуваат да им даваат приоритет на контранападите на периферијата на Бахмут.
Украинските воени претставници објавија дека украинските сили контролираат „незначаен“ дел од југозападниот град Бахмут околу автопатот Т0504 – што може да претставува премолчено признание дека руските сили го обезбедиле остатокот од западниот и северозападниот дел на Бахмут, ако не и целиот.
Изјавите на овие официјални лица покажуваат дека украинските сили се повлекле од преостанатите области во Бахмут, освен оние во непосредна близина на двата автопати во градот. Геолокацирани снимки објавени на 21 мај ги прикажуваат силите на Вагнер како креваат руски и вагнерови знамиња над станбена зграда во најзападниот дел од Бахмут.
Веројатното заземање на последната преостаната мала област на западен Бахмут од страна на Вагнеровата група нема влијание врз тековните украински контранапади северно или јужно од Бахмут, ниту пак влијае на украинската контрола над копнените линии на комуникациите (GLOCs) околу Бахмут што ги исцрпи Вагнеровите сили потребни за да се спроведат понатамошни офанзивни операции.
На руските сили најверојатно ќе им треба дополнително засилување за да го задржат градот Бахмут и неговите крила на сметка на операциите во други насоки. ISW ги набљудуваше артилериските единици на 132-та одделна гардиска моторизирана бригада (која претходно беше забележана во областа Авдиивка) кои дејствуваат во насока Бахмут.
Според командантот на копнените сили на вооружените сили на Украина, генерал полковник Олександр Сирскиј, украинските борци напредуваат на крилата во предградијата на Бахмут во областа Доњецк и се блиску до тактички опкружување на градот, јавува дописникот на Укринформ, повикувајќи се на Воениот медиумски центар.
Според Сирски, украинските сили сега контролираат мал дел од Бахмут, но неговата одбрана е многу важна, бидејќи тоа им овозможува веднаш да влезат во градот како што се менува ситуацијата.
„Продолжуваме да напредуваме на страните во предградијата на Бахмут и всушност сме блиску до тактички опкружување на градот. Благодарение на ова, ќе можеме да ги контролираме сите висококатници заземени од непријателот и постепено да ги десеткуваме. Ова го лишува непријателот од контролата врз приодите кон градот и ни дава одредени тактички придобивки“, истакна Сирскиј.
Според неговите зборови, со командантите детално се разговарало за акциите на украинската војска и постапката за уништување на непријателот.
„Ситуацијата е предизвикувачка, но контролирана“, додаде Сирски.
Украинската заменик-министерка за одбрана Хана Малиар претходно изјави дека руските напаѓачи не успеале да го опколат Бахмут во регионот Доњецк и изгубиле дел од доминантните височини околу градот.
Украинските трупи продолжуваат да напредуваат на крилата на градот Бахмут, иако „интензитетот“ на движењето е намален бидејќи Русија внесува повеќе сили, ја пренесува Телеграф изјавата на заменик министерката за одбрана.
Во телевизиските коментари во понеделникот, Хана Малиар рече дека Украина има мало упориште во самиот град, бидејќи ги негираше тврдењата на Русија дека воспоставила целосна контрола во линијата на фронтот во источниот град.
Украинските вооружени сили во утринското ажурирање соопштија дека борбите продолжуваат во Бахмут, откако Русија тврдеше дека го завршила „ослободувањето“ на источниот град во текот на викендот. Завладеа конфузија бидејќи украинските власти ги отфрлија тврдењата, пренесува Гардијан.
„[Во Бахмут] непријателот продолжува да води офанзивни акции. Борбите за градот Бахмут продолжуваат“, соопштија вооружените сили, додавајќи дека во изминатиот ден руските сили „неуспешно се обидоа да ги вратат загубените позиции јужно од [блиската] населба Иванивске“. Русија исто така изврши воздушни напади врз Бахмут.
Невозможно беше да се проверат спротивставените изјави за разурнатиот град, кој има симболично значење како мерка за тоа која страна има отпорност да преовладува во војната во целина.
Според вечерното ажурирање за воените случувања на Генералштабот на вооружените сили на Украина, кое го пренесува Укринформ, руските трупи ги концентрираат своите главни напори во правците Купјанск, Лиман, Бахмут, Авдиевка и Маринка, додека диверзантските и извидувачките групи беа активни на оските Сивершчина и Слобожаншчина.
Дваесет и четири отворени судри се случија на правците Купијанск, Лиман, Бахмут, Авдиивка и Маринка. Според Генералштабот, градовите Бахмут и Маринка во Доњецката област и понатаму се во епицентарот на непријателствата.
Руските трупи продолжуваат да спроведуваат офанзивни операции во насока Бахмут. Во тек се битки за градот Бахмут. Во текот на денот, напаѓачите неуспешно се обидоа да ги вратат своите позиции изгубени претходно јужно од Иванивске и се обидоа да започнат офанзива кон Хрихоривка, без успех.
Руската авијација гизврши напади врз областите Бахмут и Иванивске. Орихово-Василивка, Маркове, Бахмут, Иванивске, Била Хора и Њујорк од областа Доњецк беа погодени од непријателското гранатирање.
Д. Мишев
