Украинските бранители погодиле касарна на силите на чеченскиот лидер Рамзан Кадиров во фабрика за челик во Мариупол, изјави Петро Андриушченко, советник на украинскиот градоначалник на Мариупол во објава на Телеграм, пренесува Укринформ.
„Нашите [војници] известуваат дека имало удар во касарната на Кадирови лоцирана во челичарницата Илич во Мариупол. Според прелиминарните информации, ранетите биле однесени тајно кон Донецк, што може да укажува на нивната сериозна состојба. Ги проверуваме деталите“, напиша Андриушченко.
Украинската војска напредуваше на јужното крило на Бахмут и ги зацврсти ново преземените позиции, изјави заменик-министерката за одбрана Хана Малиар на 12 јули.
„Денес спроведовме офанзивни операции во насока Бахмут на јужното крило на Бахмут. Има напредок. Нашите бранители сега ги зацврстуваат заробените позиции“, напиша Малиар на Телеграм.
Таа додаде дека во близина на Купијанск, Лиман, Авдиевка и Маринка, украинските војници ги спречуваат руските обиди за напредување.
Заменик-министерката за одбрана информираше и за украинските офанзивни операции на јужната линија на фронтот во правците на Мелитопол и Бердианск.
„Војската извршува многу задачи кои имаат за цел да го ослабат непријателот и да ја разрешат ситуацијата пред понатамошни дејствија“, коментира Малиар.
„Во последните недели, нашите бранители на југ значително ги поткопаа офанзивните и одбранбените способности на непријателот.
Малиар додаде дека благодарение на уништувањето на бројни складишта за муниција, бројот на руските напади е намален.
Контраофанзивата на Украина е во тек со тешки ангажмани во Запорижја и Доњецката област.
Д. Мишев
