Кремљ ја удвојува поддршката за Росгвардија како една од клучните организации за безбедност на режимот, на Твитер објави британското Министерство за одбрана, повикувајќи се на разузнавачки податоци.
Latest Defence Intelligence update on the situation in Ukraine – 08 August 2023.
Find out more about Defence Intelligence’s use of language: https://t.co/Tj6ltVfGz5
🇺🇦 #StandWithUkraine 🇺🇦 pic.twitter.com/adLQLpxmH0
— Ministry of Defence 🇬🇧 (@DefenceHQ) August 8, 2023
На 4 август 2023 година, Путин потпиша мерка со која ќе се овозможи Росгвардија, руската национална гарда, да биде опремена со тешко вооружување.
Росгвардија, распространета на фронтот со 200.000 лица, беше создадена во својата модерна форма во 2016 година и е предводена од поранешниот телохранител на Путин, Виктор Золотов. Одлуката за зајакнување на силите следи по неуспешниот бунт на Вагнер од јуни 2023 година, се вели во извештајот.
„И покрај тврдењето на Золотов дека неговите сили делуваа „одлично“ за време на бунтот, нема докази дека Росгвардија извршила каква било ефикасна акција против Вагнер: токму онаква внатрешна безбедносна закана што беше дизајнирана да ја потисне“, смета британското Министерство за одбрана.
Во извештајот, исто така, се наведува дека со тоа што Золотов претходно сугерираше дека тешката опрема треба да вклучува артилерија и нападни хеликоптери, потегот сугерира дека Кремљ ги удвојува ресурсите на Росгвардија како една од клучните организации за обезбедување безбедност на режимот.
Како што беше објавено, во претходниот извештај, британското разузнавање соопшти дека руските воздушни сили продолжуваат да распоредуваат значителни ресурси за поддршка на копнените операции за време на нивната целосна инвазија на Украина, но без одлучувачки оперативен ефект.
Подготви: Ј. Ѓ. / Фронтлајн
