Во интервјуто за ЦИВИЛ Медиа, Исмет Рамадани, поранешен политичар и пратеник во македонскиот парламент, и прв човек на Евроатлантскиот совет, зборуваше за клучни прашања за нашата земја кои се и ќе бидат актуелни на подолг рок.
Во контекст на блокирањето на уставите измени, а со тоа и кочење на патот кон ЕУ, Рамадани зборуваше за шансата што ја испуштивме и како тоа ќе се одрази во следниот период.
„Имавме една убава шанса и другите помали заедници да ги ставаме во Уставот, односно во преамбулата на Уставот и дефинитивно да го заокружиме можеби и тоа што е како убава перцепција за нас од ЕУ, токму за мултукутурата и мултиетничоста во нашава земја“, вели Рамадани.
Според него, таа пропуштена шанса ќе доведе до апатија, макар и скриена, иако ЕУ остана отворена кон Западен Балкан и спремни да не прифатат.
„На крајот на краиштата не убедија Европјаните, односно од ЕУ, дека искрено сакаат Западниот Балкан да го видат во нивните прегратки. Дури тие и ја проширија нивната спремност до Украина, Молдавија и веќе и до Грузија“, истакна Рамадани.
За него, битни се и последицитие и како тие ќе влијаат на нашата кревка демократија.
„Во мултиетничко општество не е добро да има судир на идеологии кои создаваат тензични состојби, затоа што сепак и меѓу партиите кои се со различни идеологии и ако одиме понатаму и со различен дискурс, односно опција, дали е прозападна, дали е происточна, и сето тоа во една мала земја ако е судир на опции, судир на дискурси, тогаш се плашам дека внатрешната безбедност во државата може да биде под знак на прашање токму поради овие состојби“, смета Рамадани.
Б. Ј.
монтажа: Ариан Мехмети
камера: Дехран Муратов
ЦЕЛОСНО ИНТЕРВЈУ И ТРАНСКРИПЦИЈА:
Исмет Рамадани за ЦИВИЛ МЕДИА: Го препливавме морето, а сакаме да се удавиме во реката
