Веста за вчерашниот протест на ЦИВИЛ пред амбасадата на Руската Федерација во Скопје, одекна и се пренесе во дел од нашите, како и во неколку регионални медиуми.
Медиумите како што се Топ Чанел (Албанија), Телеграфи, Газета Експрес ( Косово), Радио Слободна Европа на македонски и на албански јазик, Гласот на Америка на македонски и албански јазик, како и други медиуми, ја пренесоа веста за протестот на ЦИВИЛ пред руската амбасада во Скопје.
Настанот беше емитуван во живо од ЦИВИЛ Медиа, а новинарски екипи од Алсат, МРТВ 2 (редакција на албански јазик) земаа изјави од претставниците на ЦИВИЛ и го пренесоа настанот во нивните медиуми.
Претставници на ЦИВИЛ вчера пред руската амбасада во Скопје прочита протестно писмо на македонски, албански и англиски јазик, во кое изразија револтот по смртта на рускиот опозиционер Алексеј Навални, за време на отслужувањето на затворската казна и ги повика руските граѓанки и граѓани, меѓу другото, итно да побараат независна истрага за причините за смртта на Навални во затворската колонија во Сибир.
- „Одговорноста за смртта на затвореник е кај државата.
- Итно ги повикуваме руските институции да дозволат независна истрага за причините за смртта на Алексеј Навални во затворската колонија во Сибир.
- Се приклучуваме на повиците за ослободување на сите политички затвореници во Русија.
- Да се стави крај на полициската бруталност и репресија против граѓаните.
- Запрете ја геноцидната војна против Украина, прекинете ја хибридната војна против демократскиот свет!
- Изведете го Путин пред меѓународната правда за да се соочи со судот за неговите злосторства!“, порачаа од ЦИВИЛ.
Д. Тахири
