Руски ракетен напад врз Кијив уништи дел од зградата на Државната академија за декоративни и применети уметности и дизајн „Михаило Бојчук“, објавија украинските медиуми, повикувајќи се на Министерство за култура и информативна политика.
Во нападот на Кијив утринава, како резултат на паѓање фрагменти од проектил лансиран од Руската Федерација, уништен е централниот дел од зградата на Кијивската државна академија за декоративна и применета уметност и дизајн „Михаило Бојчук“, особено спортската сала, конгресната сала и изложбениот центар. Значително се оштетени просториите на факултетите и аудиториумот на институцијата, се вели во соопштението.
Според првичните информации две лица се повредени и хоспитализирани. Од Министерството додаваат дека во најкраток можен рок ќе се направи проценка на штетите и ќе се преземат мерки за итна реконструкција на уништените објекти,пренесува МИА.
Неколку експлозии одекнаа утрово во Кијив. ПВО пресретнала два балистички ракети истрелани од руските сили кон Кијив, соопшти командантот на украинските воздухопловни сили, Микола Олешчук. Фрагменти од ракетите паднале во неколку киевски области.
