Претседателот Володимир Зеленски во обраќањето пред парламентот на 19 ноември го претстави планот на Украина од 10 точки за внатрешна издржливост.
Поединечните точки од новиот план за издржливост, според Телеграм каналот на пратеникот Железниак, се фокусирани на единството на земјата, ситуацијата на првата линија, оружјето, финансиите, енергијата, безбедноста, заедниците, човечкиот капитал, културниот суверенитет и ветераните, .
Во своето излагање пред парламентот, Зеленски истакна дека не се подготвува да ја намали возраста за мобилизација. Наместо тоа, тој повика на нови пристапи кон управувањето, формирање воен правобранител и создавање нов договорен систем за граѓаните на возраст под мобилизација. Со оглед на тоа што Украина се соочува со остар недостиг на работна сила, Зеленски се најде под притисок и од граѓаните дома и од американските законодавци во странство да ја намали возраста за мобилизација.
Планот за издржливост следи по некои критики што Зеленски ги доби по презентирањето на планот за победа оваа есен, кој првенствено се фокусираше на барањата од надворешни партнери и немаше домашни реформи.
И украинската амбасадорка во земјава, Лариса Дир, која на социјалните мрежи води своевиден дневник на случувањата во Украина за време на целосната и неиспровоцирана руска воена агресија, на 1001 ден од почетокот на руска инвазија на својата сметка на Х ја објави информацијата дека претседателот на Украина, Володимир Зеленски, го претставил Планот за внатрешна издржливост на Украина во Врховната Рада.
Ден 1001. Украина се бори.
Претседателот на Украина, Володимир Зеленски, го претстави Планот за внатрешна издржливост на Украина во Врховната Рада: https://t.co/kWSeNPlfD0 #StandWithUkraine pic.twitter.com/K5HZahXTCx— Larysa Dir (@dir_larysa) November 20, 2024
Драган Мишев
