Сергеј Попов, актуелен пратеник и претседател на УМС на ВМРО-ДПМНЕ, во 2014 година возел пијан, без возачка дозвола и предизвикал сообраќајка во која повредил жена! Поради ова е осуден за тешко кривично дело – возење без дозвола, под дејство на алкохол и предизвикување тешка сообраќајна несреќа. Вакво неморално однесување е во суштина идентично како однесувањето на сторителот на сообраќајката на младата Фросина. Со тоа што убиецот на Фросина е во затвор, а Сергеј Попов е пратеник од ВМРО-ДПМНЕ“, истакна на пресконференција Трајче Стојчевски – претседател на Социјалдемократската младина на Македонија (СДММ).
Тој додава дека вистинското лице на ВМРО-ДПМНЕ е сосема спротивно на се што младите сакаат и за што се борат и залагаат.
„После ова ниту Попов ниту ДПМНЕ немаат право јавно да ги повикуваат младите, ниту на протести ниту да ветуваат промени. Не може осуден за несовесно возење без положен возачки испит, за возење под дејство на алкохол и за предизвикување сообраќајна несреќа, да зборува за правда и системски реформи. Заради таквите како него младите се незадоволни и се на улиците.
Сергеј Попов е дел од системот што убива и мора да понесе одговорност, да си даде неотповиклива оставка од функцијата пратеник и оставка од функцијата претседател на вмровската УМС. Младите заслужуваат одговорни и чесни претставници без скандали и кривични пријави зад себе“, додава претседателот на социјалдемократската младина.
Од партијата Левица вчера објавија Пресуда според која Попов предизвикал тешка сообраќајна несреќа, повредувајќи невина жена.
„Лицемерниот Сергеј Попов (кој е син на актуелниот претседател на МАНУ) деновиве јавно повикува на протести против убијците и возачите кои удираат, повредуваат или убиваат пешаци, а и самиот е виновен за вакво кривично дело“, велат од Левица.
ЦИВИЛ Медиа го праша пратеникот Попов за коментар за обвинувања дека предизвикал сообраќајна несреќа каде е повредено едно лице, но до објавување на текстот не добивме никаков одговор.
Дехран Муратов
Фото: Фејсбук на Сергеј Попов
