Две лица загинаа, додека бројот на повредени се искачи на осум, вклучувајќи четири деца, по масовниот напад со беспилотни летала врз Кијив, објави на Телеграм градоначалникот на Кијив, Виталиј Кличко, пренесува Укринформ.
„Бројот на повредени лица во главниот град се искачи на осум. Уште една жена е хоспитализирана. Претходно, три деца беа хоспитализирани. Значи, вкупно четири лица се хоспитализирани. Четири други добија медицинска помош на местото на настанот. Двајца жители на главниот град починаа како резултат на непријателскиот напад“, напиша Кличко.
Според СЕС, спасувачки операции беа спроведени во областите Свјатошински, Соломијански, Шевченковски и Днепровски. Информациите се ажурираат.
Главниот град на Украина беше нападнат преку ноќ со ракети и беспилотни летала.
Украинската амбасадорка во земјава, Лариса Дир, која на социјалните мрежи води своевиден дневник на случувањата во Украина за време на целосната и неиспровоцирана руска воена агресија, на 1169 ден од почетокот на целосната инвазија, на социјалната мрежа Х објави дека главниот град Кијив беше под напад четврт пат во текот на денот од страна на Русија кој се подготвува за парадата на злосторници на црвениот плоштад.
Ден 1169. Подготвувајќи се за парадата на црвениот плоштад, рф секојдневно врши ракетни напади врз Украина, обидувајќи се да донесе уште повеќе разурнување и хаос.
Кој ќе им се придружи на таа парада на злосторници?
Кијив е веке под четврт напад во текот на денот.#StopRussia pic.twitter.com/seDl6zfqxm— Larysa Dir (@dir_larysa) May 7, 2025
Ден 1169. Подготвувајќи се за парадата на црвениот плоштад, рф секојдневно врши ракетни напади врз Украина, обидувајќи се да донесе уште повеќе разурнување и хаос. Кој ќе им се придружи на таа парада на злосторници? Кијив е веке под четврт напад во текот на денот, напиша амбасадорката Дир.
Д. Мишев
