Единици на украинските сили за специјални операции, во координација со други гранки на одбранбените сили, извршија напад врз пристаништето Олја во рускиот регион Астрахан, објави Генералштабот на украинските вооружени сили на Фејсбук, пренесува Укринформ.
Како дел од напорите за намалување на способноста на Русија да спроведува воздушни напади, силите за специјални операции, работејќи заедно со други единици на одбранбените сили, го нападнаа пристаништето Олја на 14 август.
Објектот го користи Русија како клучен логистички центар за испораки на воен товар од Иран.
Според достапните информации, нападот го погодил бродот Порт Олја 4, кој бил натоварен со компоненти за беспилотни летала од типот Шахед и муниција од Иран.
Резултатите од нападот се разјаснуваат.
Кијив Индипендент пренесува дека експлозијата и пожарот наводно ги оштетиле горните четири ката од зградата и искршиле прозорци во соседните куќи и едно училиште.
Руското Министерство за одбрана соопшти дека нејзината воздушна одбрана соборила 53 украински дронови во текот на ноќта низ повеќе региони, вклучувајќи 13 над Курската област, 11 над Ростовската област, седум над Самара, шест над Белгородската област, пет над Орјолската област, по четири над Брјанската и Воронежската област, по еден над Саратовската област, еден над Калмикија и еден над Азовското Море.
Д. Мишев
