САД одобрија продажба на повеќе системи за противвоздушна одбрана Патриот и друго оружје на својот сојузник во НАТО, Данска, која со тоа планира да ја поддржи Украина во борбата против Русија.
Американскиот Стејт департмент го одобри договорот вреден 8,5 милијарди долари (7,3 милијарди евра), кој вклучува шест лансери, радарски системи, системи за наведување и проектили.
Данска и другите членки на НАТО сакаат да ѝ испорачаат на Украина напредни системи за вооружување за да ја зајакнат нејзината одбрана од руските напади. Со оглед на тоа што Данска нема Патриот системи, таа мора да ги купи од САД. Холандија исто така купи Патриот системи за да ја зајакне украинската противвоздушна одбрана.
Кијив во последните месеци повеќепати бараше Патриот системи од западните сојузници за подобро да ги заштити своите градови од руските воздушни напади.
Со оглед на тоа што САД не се подготвени да финансираат дополнителни испораки на оружје за Украина, партнерите од НАТО купуваат американски системи и ги префрлаат на украинските сили, пренесе МИА.
