Бројот на загинати во Тернопол како резултат на рускиот напад во среда, 19 ноември, се искачи на 25.
Државната служба за вонредни ситуации на Украина (СВС) го објави ова на Фејсбук, пренесува Укринформ.
„Во Тернопол, 25 лица, вклучувајќи три деца, се убиени како резултат на руското гранатирање на градот, додека 73 лица, вклучувајќи 15 деца, се повредени. Четиринаесет психолози на СВС од различни региони на Украина работат во близина на оштетената зграда и веќе им пружиле помош на 150 лица“, се наведува во извештајот.
Итни спасувачки операции се уште се во тек.
„Вклучени се повеќе од 160 спасувачи, вклучувајќи специјалисти за голема надморска височина, дресери на кучиња, специјалната единица Делта и околу 45 единици опрема на СВС, вклучувајќи роботски системи. Сапери ја проверија областа“, додаде СВС.
Украинската амбасадорка во земјава, Лариса Дир, која на социјалните мрежи води своевиден дневник на случувањата во Украина за време на целосната и неиспровоцирана руска воена агресија, во пост на социјалната мрежа Х, на 1365 ден од руската војна во Украина објави:
Ден 1365. Украина се опоравува по масовните удари од рф. Тернопил: разрушени домови, десетици повредени, 9 загинати. Харкив беше напаѓан од вечерта. Под удари се енергетските инфраструктури во многу региони. На Украина ѝ се потребни ефикасни санкции и средства за противвоздушна одбрана.
Ден 1365. 🇺🇦 се опоравува по масовните удари од рф. Тернопил: разрушени домови, десетици повредени, 9 загинати. Харкив беше напаѓан од вечерта. Под удари се енергетските инфраструктури во многу региони. На 🇺🇦 ѝ се потребни ефикасни санкции и средства за противвоздушна одбрана. pic.twitter.com/6PmqsVpxI6
— Larysa Dir (@dir_larysa) November 19, 2025
Утрово, околу 7:00 часот на 19 ноември, Русија го нападна Тернопол и регионот со ударни беспилотни летала и ракети. Беа погодени две станбени згради.
Д. Мишев
