На состанокот на министрите за надворешни работи во Брисел, генералниот секретар на НАТО, Марк Руте, истакна дека Алијансата ќе остане одбранбена, но е подготвена да преземе се што е потребно за заштита на своите членки.
„НАТО ќе продолжи да биде одбранбена алијанса, но не правете грешка – ние сме подготвени и спремни да направиме сѐ што е потребно за да ги заштитиме нашите една милијарда граѓани и да ја обезбедиме нашата територија“, нагласи Руте.
Just concluded our meeting of Foreign Ministers
We face real & lasting dangers: Russia continues its brutal war against Ukraine & demonstrates increasingly reckless behaviour when it comes to NATO
This shows that we need to remain vigilant – NATO must & will continue to respond… pic.twitter.com/4l4mRmmlaB
— Mark Rutte (@SecGenNATO) December 3, 2025
Ова доаѓа по коментарите на рускиот претседател Владимир Путин дека Русија не сака, но е „подготвена за војна“ со Европа. Руте предупреди дека светот се соочува со реални и долготрајни опасности, нагласувајќи ја бруталната војна на Русија против Украина и се повеќе ризичното однесување кон НАТО.
„Ова покажува дека мора да останеме будни. НАТО мора и ќе продолжи да одговара со сила, единство и решителност“, додаде тој, истакнувајќи ја посветеноста на Алијансата за безбедноста на сите членки.
