Годината 2025 нè потсети на нешто едноставно — и непријатно. Демократијата не се брани сама од себе.
Низ нашите општества видовме притисоци врз институциите, напади врз независните медиуми, нормализирање на лагите и тивко еродирање на довербата.
Зад нас е уште една година од геноцидната војна на Русија против Украина — година во која агресорот, неуспешен на фронтот, им се одмазди на цивилите. И бевме сведоци на огромно страдање во Газа, каде се одвиваше уште еден, речиси емитуван во живо, геноцид пред очите на светот.
Но, штетата не завршува со бомби и тела. Таа продира во општествата, институциите и умовите. Не само преку тенкови и ракети — туку и преку наративи, манипулација, страв и замор.
Во 2025 година, во ЦИВИЛ правевме тоа што секогаш сме го правеле: ја следевме моќта, откриваме дезинформации, ги браневме човекови права, стоевме со оние кои беа таргетирани за тоа што ја зборуваа вистината и градевме сојузи за демократска отпорност — дома и низ Европа.
Документиравме. Предупредувавме. Објаснувавме. Ги поврзавме луѓето кои не се откажуваат од слободата.
Еве ја вистината: Демократијата може да преживее само ако се брани активно.
Не само од институциите. Не само од законите. Туку од луѓето. Од граѓаните на кои им е грижа. Од новинарите кои не молчат. Од организациите кои ја избираат одговорноста пред комфорот.
Ако верувате во вистината, правдата, демократијата — помогнете да ја одбраниме.
Придружете ни се.
Поддржете го ЦИВИЛ.
Споделете ја оваа порака.
Бидете дел од одбраната.
