Дури три проектни тимови на ЦИВИЛ ќе го престојуваат во штипскиот регион во текот на наредните денаови. Ова е одлична можност за членовите и соработниците на организацијата да се сретнат и да разменат информации и заедно да спроведат повеќе теренски активности.
Организацијата ги повикува граѓанките и граѓаните да го посетат инфо-штандот за да се запознаат со проектот Слободни медиуми за слободно општество, посветен на политичкиот и општествениот дијалог, јакнењето на слободата на изразувањето и медиумската писменост на граѓанките и граѓаните. Штандот ќе биде поставен на градскиот плоштад во Штип на 29 ноември, во 12 часот.
Вториот тим на ЦИВИЛ ќе одржи и работилница за граѓанско новинарство во Штип, како дел од проектот Граѓански објектив со кој организацијата и граѓанските новинар(к)и го даваат својот придонес кон транспарентни и одговорни политички процеси.
Со проектот Од разбирање до одбрана, ЦИВИЛ спроведува активности за јакнење на слободата на изразувањето и медиумските слободи. Третиот проектен тим ќе биде во комуникација со медиумските работници, новинарските и уредувачките тимови на локалните и регионалните медиуми во Штип, со цел да ги идентификуваат предизвиците во нивната работа.
ЦИВИЛите ги покануваат и медиумите, активистите и претставниците на граѓанското општество да се запознаат со активностите на организацијата, но и со начините како да се приклучат кон нивното спроведување и проширување на мрежата на соработници од целата земја. ЦИВИЛ е на располагање како ресурс на јавноста, медиумите и граѓанското општество за подобрување на соработката и комуникацијата меѓу сите засегнати со човековите права и слободи во земјата.
Б. Јордановска
