Претседателот на Собранието на Република Македонија Талат Џафери упати честитка по повод католичкиот празник Раѓање Христово – Божик до Католичката црква во Македонија, бискупот скопски и апостолски егзарх Киро Стојанов и до сите припадници на католичката вероисповед.
– Дозволете ми, од свое лично име и од името на пратениците во Собранието на Република Македонија, Вам лично и на припадниците на католичката вероисповед, да Ви го честитам големиот христијански празник, Христовото раѓање – Божик. Овој голем христијански празник и претстојните празнични денови, нека донесат добра мисла, спокој и единство за сите. Радоста што овие денови ја носат, споделете ја со најблиските и нека овие денови бидат исполнети со многу среќа, здравје и благосостојба во вашите домови. Сите заедно, сплотени, да се стремиме кон подобра иднина за сите граѓани на Република Македонија, пишува во честитката на претседателот на Собранието Џафери.
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.
