Кинескиот финансиски и економски центар Шангај до 2035 година ќе го ограничи бројот на населението до 25 милиони жители во обид да се избори со „болестите на големиот град“, соопшти градската управа.
Тоа е дел од општиот план за развој на градот за периодот од 2017 до 2035 година, одобрен од властите.
Како што посочи Советот, до 2035 година бројот на населението во Шангај ќе биде контролиран на околу 25 милиони лица, а вкупната површина определена за градби нема да надмине повеќе од 3.200 километри квадратни.
За „болести на големиот град“ може да се зборува кога еден мегаполис ќе почне да „страда“ од загадување на животната средина, прекумерен сообраќај и недостиг на јавни услуги, како што се образованието и здравството.
Според податоците на агенцијата Ксинхуа, до крајот на 2015 година, Шангај, кој се наоѓа на источното крајбрежје на Кина, имал постојано население од 24,15 милиони.
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.
